އިނގިރޭސި ލީގު ކަޕް ފުޓްބޯޅަ މުބާރާތުގައި ރޭ ޕެނަލްޓީ ޖަހައިގެން މެންޗެސްޓާ ސިޓީ އަތުން ބަލިވުމަކީ ހުރިހާ ކަމެއްގެ ނިމުންނޫން ކަމަށާއި ޓީމު އަދި ކާމިޔާބު ހޯދާނެ ކަމަށް ލިވަޕޫލުން ބުނެފި އެވެ.
ކޯޗު ޖާގެން ކްލޮޕް ރޭގެ މެޗަށް ފަހު ބުނީ ބަލިވުމުން އިސްއުފުލަންޖެހޭނެ ކަމަށާއި ބަލިވީމަ ފިނޑިވެގެން ތިބުމަކީ ބުއްދިވެރިންގެ ގޮތެއްނޫން ކަމަށެވެ.
"މިއީ އެހާ ހިތްހަމަޖެހޭ ވަގުތެއްނޫން އަހަރެންގެ ޓީމަށް. އެކަމަކު ބަލިވީމަ އިސްޖަހައިގެން ކަންބޮޑުވެ ތިބުމަކީ ބަޔަކުކުރާނެ ކަމެއްނޫން. އަހަރުމެން އަދި އެނބުރި ވަރުގަދަ ޓީމެއްގެ ގޮތުގައި އަންނާނަން،" ކްލޮޕް ބުންޏެވެ.
އޭނާ ބުނީ ގާތްގާތުގައި ގިނަ މެޗުތަކެއް ކުޅެން ޖެހުމުން ލިވަޕޫލަށް ވަރުބަލިކަން އިހުސާސްކުރެވިފައިވާ ކަމަށާއި އެހެން ޓީމުތަކަށްވުރެ ލިވަޕޫލްގެ ވަރުބަލިކަން ބޮޑު ކަމަށެވެ.
