މާލޭގެ އިމާރާތަކުން ވެއްޓުނު މީހަކަށް އައިޖީއެމްއެޗްގައި ފަރުވާ ދޭން ފަށައިިފި އެވެ.
ފުލުހުން ބުނި ގޮތުގައި އެ މީހާ ވެއްޓިފައިވަނީ ޗާންދަނީމަގުގައި ހުރި އިމާރާތެއްގެ މަތިންނެވެ.
މި ހާދިސާގެ މައުލޫމާތު ލިބުނީ މިއަދު 10:30 ހާއިރު ކަމަށްވެސް ފުލުހުން ވަނީ ބުނެފަ އެވެ.
ފުލުހުން ބުނީ މިހާތަނަށް ބެލިބެލުމުން އެ މީހާ ވެއްޓިފައިވަނީ އިމާރާތުގެ ނުވަ ވަނަ ފަންގިފިލާއިން ސިޑިގޮޅިން އެންމެ ތިރިއަށް ކަމަށް އެނގިފައިވާ ކަމަށެވެ.
"އެއީ އިންޑިއާގެ 20 އަހަރުގެ ފިރިހެނެއް. އޭނާގެ ހާލު ސީރިއަސް ކަމަށް އައިޖީއެމްއެޗް އިން ފުލުހުންނަށް މައުލޫމަތު ދީފައިވޭ،" ފުލުހުން މީޑިއާތަކަށް ފޮނުވި މެސެޖެއްގައި ބުނެފައިވެ އެވެ.
އޭނާއަށް ލިބުނު އަނިޔާގެ ތަފުސީލު އަދި ހާދިސާ ހިނގަން މެދުވެރިވި ސަބަބު އަދި ވަނީ ސާފުވާ ގޮތް ނުވެފަ އެވެ.
ހާދިސާ ހިނގި ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
