އަށެއް މާޗްއަކީ ބައިނަލްއަގުވާމީ އަންހެނުންގެ ދުވަސް ފާހަގަކުރާ ދުވަހަށް ވުމާއި އެކު އެލައިޑް އިންޝުއަރަންސުން އިސްނަގައިގެން، ކަންބަލުންނަށް ހާއްސަ ތަފާތު ހަރަކާތްތަކެއް މިއަދު ކުރިޔަށް ގެންގޮސްފި އެވެ.
އެލައިޑް އިންޝުއަރަންސުން މައުލޫމާތު ދެއްވި ގޮތުގައި އެކުންފުނިން ކަނބަލުން ބާރުވެރިކުރުވުމުގެ ނިޔަތުގައި ތައާރަފުކޮށްފައިވާ ލައިފް އިންޝުއަރަންސް ޕްލޭން "ކަމަނަ" ނަންގަވާފައިވާ ފަރާތްތަކަށް ދުވަހުގެ ތަހުނިޔާއާއި އެކު ހާއްސަ ހަދިޔާއެއް ވަނީ މިއަދު އަރުވާފަ އެވެ. މިއީ މިޕްލޭން ނަންގަވާފައިވާ ކެރުންތެރި ކަނބަލުންގެ ހިތްވަރަށް ސާބަސް ދިނުމުގެ ގޮތުން ފޯރުކޮށްދިން ހަދިޔާއެއްކަމުގައި އެލައިޑުން ފާހަގަކުރެ އެވެ.
"ކަމަނަ" ޕްލޭނަކީ އަންހެނުން ބާރުވެރިކުރުމުގެ ގޮތުން އިންޝުއަރަންސް ކުންފުންޏަކުން ކުރެވިދާނެ ކަންތައްތައް ދިރާސާ ކުރުމަށްފަހު ހޯދުނު ތަފާސް ހިސާބުތަކުގެ މައްޗައް ތައްޔާރުކުރެވުނު ޕްލޭނެކެވެ. މިދިރާސާތަކުން ފާހަގަވި ގޮތުގައި، ރާއްޖޭގައި ވަކި އުމުރަކަށް އެޅޭއިރު އަންހެނުންގެ ފުރާނަޔަށް ގެއްލުންހުރި ބަލިތައް ކުރިމަތިވާ ނިސްބަތް އިތުރެވެ. މީގެ ނަތީޖާއެއްގެ ގޮތުން، ދިރިއުޅުން ބިނާކުރުމަށް ކުރާ މަސައްކަތް ހުއްޓި، އާމްދަނީ ހޯދަން ހުރަސްއެޅެއެވެ. "ކަމަނަ" ޕޮލިސީއަކީ މިކަންކަމަށް ހައްލު ހޯދައިދިނުމަށް އެހީވެދޭ ޕްލޭނެކެވެ. މީގެ އިތުރުން މިޕްލޭނުން ކަވަރ ކުރާ ހާލަތްތަކުގެ ތެރޭގައި، އެކްސިޑެންޓެއްގެ ސަބަބުން ނުކުޅެދުންތެރިކަމެއް ކުރިމަތިވުންވެސް ހިމެނެއެވެ. އަދި މިޕޮލިސީގެ އެންމެ ފައިދާހުރި ކަމަކީ، ކުރިން ބުނި ފަދަ ހާލަތެއް ކުރިމަތިވުމުން ކަވަރޭޖް ފޯރުކޮށްދިން ކަމުގައިވިޔަސް، ޕޮލިސީގެ މުއްދަތު ހަމަވަންދެން އެލައިޑުން ފައިސާ ދައްކާގޮތަށް ޕޮލިސީ ކުރިޔަށްދާނެކަމުގެ ޔަގީންކަމެވެ. ހަމަ މިއާއެކު، ޕޮލިސީ ހިނގަމުންދާ މުއްދަތުގައި ލިބޭ އިމަރޖެންސީ ފަންޑް ކޮންމެ ދެ އަހަރަކުން އެއް އަހަރު ލިބުމާއި އެކު ޕޮލިސީގެ މުއްދަތު ހަމަވުމުން، މެޗުރިޓީ ބެނެފިޓްއާއި ޕޮލިސީ ހިނގަމުން ދިޔަ މުއްދަތުގެ ތެރޭގައި އެކިޔުމުލޭޓްވެފައިވާ ބޯނަސްވެސް ލިބެއެވެ. އެލައިޑުން ފާހަގަކުރާ ގޮތުގައި، ބުނެދިޔަ ގިނަ ފައިދާތަކާއި އެކުވެސް އެންމެނަށް އެކްސެސިބަލް ޕްލޭނަކަށް ހެދުމަށް، މިޕޮލިސީ ފަރުމާކޮށްފައިވަނީ ހެޔޮ އަގެއް ދައްކަންޖެހޭ ގޮތަށް، 18 އަހަރުން މަތީގެ ކޮންމެ މީހަކަށްވެސް ނެގޭ ގޮތަށެވެ.
އެގޮތުން މިސާލަކަށް، 25 އަހަރުގެ ބޭފުޅެއް އެއް ލައްކަ ރުފިޔާގެ ޕޮލިސީއެއް ނަގާނަމަ މަހަކަށް ގާތްގަނޑަކަށް ދައްކާލަން މި ޖެހެނީ އެންމެ 600 ރުފިޔާއެވެ. ނުވަތަ ޕްލޭން ނަންގަވާ ފަރާތެއްގެ އާމްދަނީ އާއި ދިރިއުޅުން ބައްޓަން ކުރެވިފައިވާ ގޮތަށް ބިނާކޮށް އެފަރާތަކަށް އެކަށީގެންވާ ގޮތަށް ޕްލޭން ކަސްޓަމައިޒް ކޮށްލުމުގެ ފުރުސަތުވެސް ލިބެއެވެ. މިކަމާއި ގުޅުންހުރި މައުލޫމާތު އެލައިޑްގެ ހޮޓްލައިން 1600 އިން ހޯދުމަށް އެލައިޑުން އިލްތިމާސްކުރެ އެވެ.
މީގެ އިތުރުން، އަންހެނުންގެ ދުވަހާއި ގުޅުވައިގެން ކުންފުނީގެ އަންހެން މުވައްޒަފުންގެ އަގުވަޒަންކުރުމުގެ ގޮތުންވަނީ ދުވަހާއި ގުޅުންހުރި އިތުރު ހަރަކާތްތަކެއް ކުރިޔަށް ގެންގޮސްފައެވެ. އެލައިޑް އިންޝުއަރަންސުން ފާހަގަކުރައްވާ ގޮތުގައި މުސްތަގުބަލުގައިވެސް އެލައިޑުން މަސައްކަތް ކުރާނީ މިންތީގެ ހަމަހަމަކަން ގެނައުމަށް ބޭނުންވާ ދާއިރާތައް ފާހަގަކޮށް އެކަންކަން ރަނގަޅު ކުރުމަށް އެހީތެރިވުމުގައެވެ.