ކުރިއަށް އޮތް ރައްޔިތުންގެ މަޖިލިސް އިންތިހާބުގައި ވޯޓުލާ ވަގުތު އިލެކްޝަންސް ކޮމިޝަން (އީސީ) އިން އިތުރުކޮށްފި އެވެ.
އިލެކްޝަންސް ކޮމިޝަނުން މީގެ ކުރިން ނިންމާފައިވަނީ އާދިއްތަ ދުވަހު ބާއްވާ އިންތިހާބުގެ ވޯޓުލުން ހެނދުނު 8:00 އިން ފެށިގެން ހަވީރު 4:00 އަށް ބޭއްވުމަށެވެ.
އީސީގެ މެންބަރުން ބޭއްވި ބައްދަލުވުމަށްފަހު މިހާރު ވަނީ ވޯޓު ނެގުން ކުރިއަށްދާ ވަގުތު ހެނދުނު 8:00 އިން ހަވީރު 5:30 އަށް އިތުރުކޮށްފަ އެވެ.
އޭގެ ފަހުން ވަގުތު އިތުރު ނުކުރާނެ ކަމަށްވެސް އިލެކްޝަންސް ކޮމިޝަނުން ވަނީ ބުނެފަ އެވެ.
މަޖިލިސް އިންތިހާބުގައި 93 ދާއިރާއަކަށް 368 ކެންޑިޑޭޓުން ވާދަކުރައްވަ އެވެ. މި އިންތިހާބުގައި 284،663 މީހުންނަށް ވޯޓުލުމުގެ ހައްގު ލިބެ އެވެ.