އެއާ ސާވިސް ވޯލްޑް ކޮންގްރެސް (އޭއެސްޑަބްލިއުސީ)ގެ ޕާޓްނަރުންނާ އެކު ސޮއިކޮށްފި އެވެ.
ވެލާނާ އިންޓަނޭޝަނަލް އެއާޕޯޓް (ވީއައިއޭ) ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ލީޑްކުރާ މި ކޮންފަރެންސްގެ ޕާޓްނަރުންނާ އެކު ސޮއި ކުރުމުގެ ރަސްމިއްޔާތު އިއްޔެ ބޭއްވީ ވީއައިއޭގެ ނޫވިލު ސީޕްލޭން ޓާމިނަލް ގައެވެ.
ކޮންގްރެސްގެ ޑިޖިޓަލް ޕާޓްނަރަކަށް ދިރާގު ހަމަޖެއްސިއިރު ރިސޯޓު ޕާޓްނަރަކަށް ހަމަޖެއްސީ ޝެރެޓަން މަލަހިނި އެވެ. - އޭވިއޭޝަން ޕާޓްނަރަކަށް މޯލްޑިވިއަން ހަމަޖެއްސިއިރު ވެނޫ ޕާޓްނަރަކަށް ކުރުނބާ މޯލްޑިވްސް އަދި އެއާލައިން ޕާޓްނަރަކަށް އެމިރޭޓްސް ވެސް ވަނީ ހަމަޖައްސާފަ އެވެ. މީޑިއާ ޕާޓްނަރުންނަކީ އޯކާ މީޑިއާ، ހޮޓެލިއާ މޯލްޑިވްސް، އައިލެންޑް ޗީފް، ޓްރެވެލޫޝަން މީޑިއާ އަދި ދަ އެރައިވަލް އެވެ.
މީގެއިތުރުން ޓޫރިޒަމް މިނިސްޓްރީ އާއި ޓްރާންސްޕޯޓް މިނިސްޓްރީ އަމިއްލަ ދެ ޖަމިއްޔާ ކަމަށްވާ މަޓީ އާއި މަޓާޓޯ ވެސް މި ކޮންފަރެންސްގައި ތަމްސީލް ކުރާނެ އެވެ.
މިއަހަރުގެ ކޮންފަރެންސް ކުރިއަށްދާނީ ޖުލައި 9 އިން 11 އަށެވެ. ދުނިޔޭގެ އެކި ގައުމުތަކުގެ އޭވިއޭޝަން ދާއިރާގެ ބޭފުޅުންނާ އެކު 300 އެއްހާ ބޭފުޅުން ކޮންފަރެންސްގައި ބައިވެރިވާނެ ކަމަށްވެސް އެމްއޭސީއެލް އިން މައުލޫމާތުދެ އެވެ.