އީރާންގެ ރައީސް، އިބްރާހީމް ރައީސީ އާއި ޚާރިޖީ ވަޒީރު ހުސައިން އަމީރު އަބްދުލްލަހިޔާން އަވަހާރަވެއްޖެ ކަމަށް އީރާންގެ ރެޑް ކްރެސެންޓުން ބުނެފި އެވެ.
މި ދެ ބޭފުޅުން އަވަހާރަވެފައި މި ވަނީ ދަތުރުކުރެއްވި ހެލިކޮޕްޓަރު ވެއްޓި ހިނގި އެކްސިޑެންޓެއްގަ އެވެ.
އީރާންގެ ރެޑް ކްރެސެންޓް ސޮސައިޓީގެ ވެރިޔާ ޕީރު ހުސައިން ކުލިވާންދު ވިދާޅުވި ގޮތުގައި އެ ހެލިކޮޕްޓަރުން ދަތުރުކުރި އެކަކުވެސް ސަލާމަތެއް ނުވެ އެވެ.
އިބްރާހީމް ރައީސީ އާއެކު ދަތުރުކުރި ވަފުދު ވަޑައިގަތީ އަޒަރުބައިޖާން އާއި އީރާންއާ ގުުޅޭ ސަރަހައްދުގައި ޑޭމެއް ހުޅުވުމަށެވެ. މޫސުން ވަރަށް ބޮޑަށް ގޮސްވެ، ވައިގަދަވުމުގެ ސަބަބުން ހެލިކޮޕްޓަރު ވެއްޓުނީ މި ވަފުދު އެނބުރި އީރާންގެ ވެރިރަށް ތެހެރާންއަށް ދަތުރުކުރަނިކޮށެވެ.
އީރާންގެ ރައީސް، އިބްރާހީމް ރައީސީ -- ދަތުރުކުރެއްވި ހެލިކޮޕްޓަރު ވެއްޓި ހިނގި ހާދިސާއެއްގައި އަވަހާރަވެފައިވާ ކަމަށް އީރާންގެ ރެޑް ކްރެސެންޓުން ބުނޭ
