އިންޑިއާގެ ބާވެޖާ ސްޓޫޑިއޯސް އަދި އީސެވަން އެންޓަޓެއިންމަންޓްސް އިން އުފައްދާ "މަހަރަގްނީ - ކުއީންސް އޮފް ކުއީންސް"ގެ އެންމެ ފުރަތަމަ ފުޓޭޖްގައި ކާޖަލްއާއި ޕްރާބޫ ޑޭވާ އާންމުންނަށް ދައްކާލައިފި އެވެ.
މިއީ މި ދެ ތަރިން 27 އަހަރަށް ފަހު އެއް ފިލްމަކުން ފެނިގެންދާ ފުރަތަމަ ފަހަރެވެ. ކާޖަލް ޕްރާބޫ އެންމެ ފަހުން އެކުގައި ފެނުނީ ރާޖީވް މެނަންގެ ފިލްމު "މިންސާރަ ކަނަވު" އިން 1997 ވަނަ އަހަރު އެވެ.
ކަރަން ޓެޖް އުއްޕަލަޕާޓީ ޑައިރެކްޓް ކޮށްފައިވާ އެކްޝަން-ތްރިލާއެއް މަހަރަގްނީ - ކުއީންސް އޮފް ކުއީންސްގެ ޝޫޓިންގެ ފުރަތަމަ ބައި ވަނީ ނިންމާލާފަ އެވެ.
މިމަސައްކަތް ފުރިހަމަ ކުރުމަށް އެއްބާރުލުން ދިން ކްރޫގެ ތެރޭގައި ފޮޓޯގްރާފީގެ ޑިރެކްޓަރެއްގެ ގޮތުގައި ޖީކޭ ވިޝްނޫ، ކޮމްޕޯސަރެއްގެ ގޮތުގައި ހަރްޝަވަރްދާން ރަމޭޝްވަރް، ޕްރޮޑަކްޝަން ޑިޒައިނަރެއްގެ ގޮތުގައި ސާހީ ސޫރެޝް އަދި އެޑިޓަރު ނަވީން ނޫލީ ހިމެނެ އެވެ.
އުއްޕަލަޕާޓީ ބުނީ މި ފިލްމު ހަގީގަތަކަށް ހެދުމުގައި ކާޖަލް އާއި ޕްރާބޫ ޑޭވާ، ނަސްރުއްދީން ޝާހް، ސަމްޔުކްތާ މެނަން އަދި ޖިޝްޝޫ ސެން ގުޕްތާ ފަދަ ތަރިން އޭނާގެ ހިންދީ ޑެބިއުގައި ބައިވެރިވުން އެއީ އޭނާގެ ހުވަފެނެއް ކަމަށެވެ.