މިޔަރެއް ހަމަލާ ދިނުމާ ގުޅިގެން ފަރުވާ ދެމުންދިޔަ ސިފައިންގެ މީހާ މަރުވެއްޖެ އެވެ.
މަރުވެފައިވަނީ ރ. އުނގޫފާރަށް ނިސްބަތްވާ މުހައްމަދު ޒިދާން އެވެ.
އޭނާއަކީ މީގެ އަހަރެއްހާ ދުވަސްކުރި ސިފައިންގެ ހިދުމަތާ ގުޅުނު ޒުވާނެއް ކަމަށް މައުލޫމާތު ލިބިފައިވެ އެވެ.
ސިފައިންގެ މީހާއަށް މިޔަރު ހަމަލާ ދިނީ ލ. ކައްދޫގައި މޫދުގައި ތަމްރީންތަކެއް ހަދަމުން ދަނިކޮށެވެ.
މިޔަރު، ދިން ހަމަލާއާ ގުޅިގެން އޭނާގެ ހާލު ސީރިއަސް ކަމުން ފަރުވާ ދިނީ ލ. ގަމު ރީޖަނަލް ހޮސްޕިޓަލްގެ އައިސީޔޫގައި ބާއްވައިގެންނެވެ.
މަރުވި ޒުވާނާއަށް މިޔަރު، ދިން ހަމަލާގައި އޭނާގެ ހަށިގަނޑުގެ ބައެއް ތަންތަނުން މަސްތައް ކާލާފައިވާ ކަމަށްވެ އެވެ.