ޖާޒީ ތަކެއް ވަގަށް ނެގި ކަމަށް ތުހުމަތުކުރެވޭ ތިން މީހަކު ހައްޔަރުކޮށްފި އެވެ.
ފުލުހުން ބުނީ ބަޔަކު ޖާޒީތަކެއް ވަގަށް ނަގައިގެން އުޅޭ ކަމަށް ތުހުމަތުކޮށް ފުލުހުންނަށް މައްސަލަ ރިޕޯޓްކޮށްފައިވަނީ މިއަދު މެންދުރުފަހު 1:15 ހާއިރު މާލެ އިން ކަމަށެވެ.
މައްސަލައިގެ ތުހުމަތުގައި ތިން މީހަކު ހައްޔަރުކޮށްފައިވާ ކަމަށްވެސް ފުލުހުން މައުލޫމާތު ދީފައިވެ އެވެ.
"މިމައްސަލަ ފުލުހުން ދަނީ ތަހުގީގުކުރަމުން،" ފުލުހުން ބުނެފައިވެ އެވެ.
ޖާޒީ ތަކެއް ވަގަށް ނެގި ބަޔަކު ހައްޔަރުކޮށްފައި މިވަނީ ޔޫރޯ މުބާރާތާއި ކޯޕަ އެމެރިކާ މުބާރާތް ފެށެން ކުޑަ ތަންވެފައިވާއިރު ޖާޒީގެ ޑިމާންޑް ބޮޑުވެފައިވާ ވަގުތެއްގައެވެ.