އޮލިމްޕިކްސް ފެށުމުގެ ކުރިން ސަލާމަތީ ސަބަބުތަކަށްޓަކައި ފްރާންސްގެ ފުލުހުން ނުކުމެ ހިންގާ އޮޕަރޭޝަންތަކުގައި ފްރާންސްގެ ވެރިރަށަށް ޕެރިހުގެ މެދުތެރޭގެ ބައެއް ހިސާބުތައް ބަންދުކުރަން ފަށައިފި އެވެ.
ފްރާންސްގެ ފުލުހުން ވަނީ ޖުލައި 26 ވާ ހުކުރު ދުވަހު ފަށާ އޮލިމްޕިކް ގޭމްސްގެ މުއްދަތުގައި ރައްޔިތުންނާއި އެތުލީޓުންނާއި އެ ގައުމަށް ޒިޔާރަތްކުރާ މީހުންގެ ސަލާމަތާއި ރައްކާތެރިކަން ކަށަވަރުކުރުމަށް ޕެރިހުގައި ޓްރެފިކް އަދި ސެކިއުރިޓީ ޕެރިމީޓަރުތައް ގާއިމްކޮށްފަ އެވެ.
ސެއިން ކޯރުގައި އޮލިމްޕިކްސް ހުޅުވުމުގެ ރަސްމިއްޔާތުގެ ކުރިން ފްރާންސްގެ ސަލާމަތީ ބާރުތަކުން ޕެރިހުގެ މެދުތެރޭގެ ބޮޑެތި ސަރަހައްދުތައް ބަންދުކުރަން ފެށީ މިދިޔަ ބުރާސްފަތި ދުވަހު އެވެ.
ސެއިން ކޯރުގެ ދެ ފަރާތުގެ އައްސޭރީގައި ގާއިމުކޮށްފައިވާ "ގްރޭ ޒޯން" އަށް ވަންނަން ބޭނުންވާ ކޮންމެ މީހަކަށް، އެ ސަރަހައްދުގައިވާ ހޮޓަލަކަށް ރިޒަވޭޝަން ހަދާފައިވާނަމަ ކިއުއާރު ކޯޑެއްގެ ސިފައިގައިވާ ސެކިއުރިޓީ ޕާހެއް ބޭނުންވާނެ އެވެ.
މިއީ މައި އެތުލެޓިކްސް ސްޓޭޑިއަމްގެ ބޭރުގައި ސަމަ އޮލިމްޕިކްސް ހުޅުވާނެ ފުރަތަމަ ފަހަރެވެ.