ޖޯން އަބްރަހަމްގެ އެންމެ ފަހުގެ ފިލްމު "ވެޑާ" ޕްރިމިއާ ކުރުން ފަސްވެފައިވަނީ ސެންޓްރަލް ބޯޑް އޮފް ފިލްމް ސެޓްފިކެޝަން (ސީބީއެފްސީ) -- އިންޑިއާގެ ސެންސަރު ބޯޑުން ފިލްމު ބަލައި އަޅުވަން ހުއްދަ ދިނުން ލަސްކުރަމުންދާތީ ކަމަށް ފިލްމުގެ ޕްރޮޑަކްޝަން ޓީމުން ބުނެފި އެވެ.
ވެޑާގެ ޕްރޮޑަކްޝަން ޓީމުން ނެރުނު ބަޔާނެއްގައި ބުނީ މި ފިލްމު އެޅުވުމަށް އެންމެ ފުރަތަމަ ނިންމީ މިދިޔަ ޖޫން 25 ވަނަ ދުވަހު ކަމަށެވެ. ނަމަވެސް މިހާރު ނިންމާފައިވަނީ އަންނަ މަހުގެ 15 ދުވަހު މި ފިލްމު އެޅުވުމަށެވެ.
ވެޑާގެ ޓީމުން ބުނީ ފިލްމު އެޅުވުން ފަސްވީ ސީބީއެފްސީ އިން ފިލްމު ބެލުމަށްފަހު ދޭންޖެހޭ ހުއްދަ ނުވަތަ ކްލިއަރެންސް ސެޓްފިކެޓް އަދިވެސް ދީފައި ނުވާތީ ކަމަށެވެ.
މި ފިލްމު ސެންސަރު ބޯޑަށް ޖޫން 25ގެ އެތައް ދުވަހެއް ކުރިން ހުށަހެޅި ނަމަވެސް ފިލްމު އަވަހަށް ބަލައި ހުއްދަތައް ދިނުމުގައި ސީބީއެފްސީގެ ފަރާތުން އެއްވެސް އެއްބާރުލުމެއް ނުލިބުނު ކަމަށްވެސް ވެޑާގެ ޓީމުން ތުހުމަތުކޮށްފައިވެ އެވެ. އެހެންވެ ސީބީއެފްސީ އިން ވަނީ ވެޑާ ބަލަން ބޭނުންވެފައި ތިބި މީހުންވެސް މި ފިލްމު އަވަހަށް ސެންސަރު ބޯޑުން ނެގުމަށް ބާރުއަޅައިދިނުމަށްވެސް އެދިފަ އެވެ.
ސީބީއެފްސީން މި ފިލްމު ބެލުމަށް މިހާރު ހަމަޖެހިފައިވަނީ މާދަމާގެ ވަގުތެއްގައެވެ.