އިޒްރޭލުން ޖުލައި މަހު ގާޒާއަށް ދިން ވައިގެ ހަމަލާއެއްގައި ހަމާސްގެ މިލިޓަރީ ޗީފް މުހައްމަދު ދީފް އަވަހާރަކޮށްލާފައިވާ ކަމަށް އިޒްރޭލުން މިއަދު ބުނެފި އެވެ.
އިޒްރޭލުން މިކަން ހާމަކޮށްފައި މިވަނީ ހަމާސްގެ ސިޔާސީ ވެރިޔާ އިސްމާއިލް ހަނިއްޔާ އީރާނުގެ ވެރިރަށް ތެހެރާންގައި އިއްޔެ އަވަހާރަކޮށްލި ފަހުންނެވެ.
އިޒްރޭލުން ބުނީ ދީފް އަވަހާރަކޮށްލީ ނިމިގެން ދިޔަ ޖުލައި މަހުގެ 13 ވަނަ ދުވަހު ހާން ޔުނިސް ސަރަހައްދަށް ދިން ހަމަލާއެއްގައި ކަމަށެވެ. ނަމަވެސް ހަމާސް އިން އަދި މިކަން ޔަގީންކޮށްދީފައެއް ނުވެ އެވެ.
އިޒްރޭލުން މައުލޫމާތު ދިން ފަރާތުން ބުނީ ދީޕްއާ އެކު އެހެން ބައެއް މީހުންވެސް މަރާލެވުނު ކަމަށެވެ.
މިއަހަރުގެ ކުރީކޮޅު އިސްރާއީލުން ދިން ހަމަލާއެއްގައި އިސްމާއީލް ހަނިއްޔާގެ ތިން ދަރިންވެސް ވަނީ އަވަހާރަކޮށްލާފަ އެވެ.