ސްޓޭޓް އިލްކެޓްރިކް ކޮމްޕެނީ ލިމިޓެޑް (ސްޓެލްކޯ) އިން ކަރަންޓުގެ ރީޑިން ނަގާ ދުވަހު ގޭބިސީތަކަށް ބިލް ފޮނުވުމަށް މަސައްކަތް ކުރަމުންދާ ކަމަށް އެ ކުންފުނީގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވެއްޖެ އެވެ.
ނޫސްވެރިންނާ ބައްދަލުކުރައްވާ ފަހުމީ ވިދާޅުވީ ރީޑިން ނަގާ ދުވަހު ބިލްތައް ނުފޮނުވޭ މައްސަލަ ކުރިމަތިވާތާ މިހާރު 15 ވަރަކަށް އަހަރު ވެއްޖެ ކަމަށެވެ.
"މި މައްސަލަ ހައްލުކުރުމަށް މިދަނީ މަސައްކަތްތަކެއް ކުރަމުން،" ފަހްމީ ވިދާޅުވި އެވެ.
އޭނާ ވިދާޅުވި ގޮތުގައި މިހާރު އޮތް ގޮތުން ރީޑިން ނަގާ ދުވަހުން ފެށިގެން ބިލް ފޮނުވެނީ 25އާއި 30 ދުވަހާއި ދެމެދުގެ މުއްދަތެއްގެ ތެރޭގައެވެ. ނަމަވެސް ރީޑިން ނަގާ ދުވަހު ވަގުތުން ވަގުތަށް ބިލްތައް ފޮނުވޭނެ ނިޒާމެއް ގާއިމުކުރުމުގެ މަސައްކަތް އެ ކުންފުނިން ކުރަމުންދާ ކަމަށް ވިދާޅުވި އެވެ.
މިދިޔަ މަހު ކަރަންޓް ބިލް ބޮޑުވެފައިވާ ގެތަކުގައި ބިލް ބޮޑުވި ގޮތް ބެލުމަށް އޮޑިޓެއް ހެދުމަށް ސްޓެލްކޯ އިން ނިންމާފައިވާ ކަމަށްވެސް ފަހްމީ ވިދާޅުވި އެވެ. ސްޓެލްކޯއިން ފޯރުކޯށްދޭ ހިދުމަތްތަކުގެ އަގު ކުޑަކުރެވޭނީ އިޔާދަކުރަނިވި ހަކަތައިން ނުވަތަ ސޯލާގެ އެހީއާއެކު ކަމަށްވެސް ވިދާޅުވި އެވެ.