ހުލްގު ހެޔޮ ރަނގަޅު ޖީލެއް ބިނާކުރުމަށްޓަކައި ރާއްޖޭގެ ގާނޫނުތަކާއި ގަވާއިދުތަކަށް ދަރިވަރުން ހޭލުންތެރި ކުރުވުމަކީ މުހިންމު ކަމެއްކަމުގައި ނައިބުރައީސް ހުސައިން މުހައްމަދު ލަތީފު ވިދާޅުވެއްޖެ އެވެ.
ފުވައްމުލަކު ސްކޫލުގައި ބޭއްވި 100 ވަނަ ޓްރެފިކް މޮނިޓާސް ތަމްރީނު ޕްރޮގްރާމު ނިންމުމުގެ ރަސްމިއްޔާތު ޝަރަފުވެރިކޮށް ދެއްވާ ނައިބުރައީސް ހުސައިން މުހައްމަދު ލަތީފު ވަނީ ޓްރެފިކް މޮނިޓާސް ޕްރޮގްރާމުގެ ސަބަބުން އެއްގަމު ދަތުރުފަތުރުގެ ގާނޫނާއި ގަވާއިދުތަކަށް ދަރިވަރުން އަހުލުވެރިވާކަން ފާހަގަކުރައްވާފަ އެވެ.
ފޭރާންހެޔޮ މުޖުތަމައެއް ބިނާ ކުރެވޭނީ އެފަދަ ކަންކަމަށް ދަރިން ހާނުވައިގެން ކަމަށް ނައިބުރައީސް ވިދާޅުވި އެވެ.
ނައިބުރައީސް ވިދާޅުވީ މަގުތަކުގައި ހިނގާ ގާނޫނާއި ގަވާއިދާ ހިލާފުކަންކަން ހުއްޓުވުމަށް ސަރުކާރުން ކެނޑިނޭޅި މަސައްކަތްކުރަމުންދާ ކަމަށެވެ.
އެގޮތުން ގްރޭޓާ މާލެ ސަރަހައްދުގެ މަގުތަކަކީ އަމާން ރައްކާތެރި މަގުތަކަކަށް ހެދުމަށް "މާލެ ފަހި" ޕްރޮގްރާމު މިހާރު ފެށިފައިވާކަން ފާހަގަކުރެއްވިއެވެ.
މީގެ އިތުރުން މަގުމައްޗަކީ އަމާން ރައްކާތެރި ތަނަކަށް ހެދުމަށް ހުރިހާ ރައްޔިތުންވެސް ފަރުދީ ޒިންމާ އަދާކުރުމަށް ނައިބުރައީސް އިލްތިމާސްކުރެއްވި އެވެ.
މި ރަސްމިއްޔާތުގައި ޓްރެފިކް މޮނިޓާސް ތަމްރީނު ޕްރޮގްރާމު ފުރިހަމަކުރި މުހައްމަދު ޖަމާލުއްދީނު ސްކޫލާއި ޙާފިޡު އަޙްމަދު ސްކޫލާއި ޏ. އަތޮޅު ތަޢުލީމީ މަރުކަޒު އަދި ފުވައްމުލަކު ސްކޫލުގެ ދަރިވަރުންނަށް ސެޓްފިކެޓާ ޓެގް ހަވާލުކޮށްދެއްވީ ނައިބުރައީސް އެވެ.
މިއީ 2014 ވަނަ އަހަރު ފެށި ޓްރެފިކް މޮނިޓާސް ތަމްރީނު ޕްރޮގްރާމްގެ ދަށުން ބޭއްވި 100 ވަނަ ޕްރޮގްރާމެވެ.