ހުޅުމާލޭ ދުވާރުމަތީގައި ބަހައްޓާފައި ހުރި ގޮނޑިއާއި މޭޒުފަދަ ތަކެތި ނެގުމުގެ މަސައްކަތް އެޗްޑީސީ އިން ފަށައިފި އެވެ.
މި މަަސައްކަތާ ބެހޭ ގޮތުން ހައުސިން ޑިވެލޮޕްމަންޓް ކޯޕަރޭޗަން (އެޗްޑީސީ) އިން ބުނީ މިއީ ހުޅުމާލެ ހިތްފަސޭހަ ތަނަކަށް ހެދުމަށް ކުރެވޭ މަސައްކަތެއް ކަމަށެވެ.
އެޗްޑީސީން މީގެ ކުރިން ވެސް ވަނީ ދުވާރުމަތީގައި ބަހައްޓާފައި ހުރި ގޮނޑިއާއި މޭޒު ނެގުމަށް އަންގާ، އެކަން ކުރުމަށް ވަކި މުއްދަތެއް ދީފަ އެވެ. ނަމަވެސް އެ މުއްދަތުގެ ތެރޭގައި އެ ތަކެތި ނުނެގުމުން އެޗްޑީީސީން އިއްޔެ ވަނީ އެ މަސައްކަތް ފަށާފަ އެވެ.
ހުޅުމާލޭ ދުވާރުމަތީގައި ގޮނޑި އަދި މޭޒު ބަހައްޓައިގެން ތިބޭތީ ހިނގާބިގާވެ އުޅުމަށް އުނދަގޫވެ، އާންމުންގެ ޝަކުވާ އަބަދުވެސް އޮވެ އެވެ.
ހުޅުމާލޭގެ ދުވާރުމަތީގައި ގޮނޑިއާއި މޭޒު ބަހައްޓަނީ އާންމު ގޮތެއްގައި ކެފޭ ރެސްޓޯރަންޓް ހިންގާ ފަރާތްތަކުންނެވެ.