ތައިލެންޑުގެ އާ ބޮޑުވަޒީރު ޕޭޓޯންގްޓާން ޝިނަވާތަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
ރައީސް މިއަދު އެކްސްގައި ކުރެއްވި ޕޯސްޓެއްގައި ވަނީ ޕޭޓޯންގްޓާން ޝިނަވާތަކީ ތައިލެންޑުގެ އެންމެ ޒުވާން ބޮޑުވަޒީރުކަން ފާހަގަކުރައްވާ މަރުހަބާ ވިދާޅުވެފަ އެވެ.
ރައީސް ވިދާޅުވީ ތައިލެންޑުގެ އާ ބޮޑުވަޒީރުގެ ވެރިކަމުގައި އެ ގައުމަށް އިތުރު ތަނަވަސްކަން ލިބިގެންދާނެ ކަމަށް އުއްމީދު ކުރައްވާ ކަމަށެވެ.
މީގެއިތުރުން ރައީސް ވަނީ ދެ ގައުމުގެ އެއްބާރުލުމާއެކު ތައިލެންޑާއި ރާއްޖެއާ ދެމެދު އޮންނަ ގާތް ގުޅުން އިތުރަށް ވަރުގަދަވާނެ ކަމަށް އުއްމީދުކުރައްވާ ކަމަށް ވިދާޅުވެފަ އެވެ.
ޕޭޓޯންގްޓާން ޝިނަވާތު ބޮޑުވަޒީރުގެ މަގާމަށް އައްޔަންކުރެވުނީ އެ މަގާމުގައި ކުރިން ހުންނެވި ސެތާ ތަވީސީން އެ ގައުމުގެ ކޯޓުން ވަކިކުރުމާ ގުޅިގެންނެވެ.
ސެތާ ތަވީސީންއަށް ބޮޑުވަޒީރުގެ މަގާމު ގެއްލިވަޑައިގަތީ އެނާގެ ކެބިނެޓުގައި ޖިނާއީ ކުށެއް ސާބިތުވެފައިވާ ވަޒީރަކު ހިމެނުމާ ގުޅިގެންނެވެ.
ތައިލޭންޑުގެ ގާނޫނު ހަދާ މަޖިލީހުން އުމުރުން 37 އަހަރު ޒުވާން ޕޭޓޯންގްޓާންއާ ބޮޑުވަޒީރުގެ މަގާމު ހަވާލުކުރީ މަޖިލީހުގެ ވަރަށް ބޮޑު އަޣުލަބިއްޔަތަކާ އެކު އެވެ. މަޖިލީހުގައި ހިމެނިވަޑައިގަންނަވާ 497 މެމްބަރުންގެ ތެރެއިން، 247 އަށް ވުރެ ގިނަ މެމްބަރުން ވަނީ އޭނާއަށް ތާއީދުކުރައްވާފަ އެވެ. ބޮޑުވަޒީރުގެ މަގާމަށް ހޮވެނީ މަދުވެގެން 247 މެމްބަރުންގެ ތާއީދުންނެވެ.