ރާއްޖެއިން ތައިލެންޑަށް ކަނޑައަޅާ ސަފީރު ކަމަށް އިލެކްޝަންސް ކޮމިޝަންގެ ކުރީގެ ރައީސް ފުއާދު ތައުފީގު އައްޔަންކުރަން ރައްޔިތުންގެ މަޖިލީހަށް ފޮނުވައިފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވަނީ ތައިލެންޑަށް ރާއްޖެއިން ކަނޑައަޅާ ސަފީރު ކަމަށް މއ. ތަޅަމުދިގެ ފުއާދު ތައުދީގު އައްޔަންކުރުމަށް ރައީސުލްޖުމްހޫރިއްޔާ ފޮނުއްވި މައްސަލަ ދިރާސާކުރަން މަޖިލީހުގެ ހާރިޖީ ގުޅުންތަކުގެ ކޮމިޓީއަށް ފޮނުވާފަ އެވެ.
ފުއާދު ތައުފީގު އީސީގެ މެންބަރުކަމުގެ ދައުރު ފުރިހަމަ ކުރައްވާފައިވަނީ މިމަހުގެ 23 ވަނަ ދުވަހު އެވެ.
ފުއާދު ވަނީ އީސީގެ މެންބަރެއްގެ ގޮތުގައި ދެ ދައުރު ފުރިހަމަކުރައްވާފަ އެވެ.
އިލެކްޝަންސް ކޮމިޝަންގައި ތިއްބަވަނީ ފަސް މެންބަރުންނެވެ. ނަމަވެސް އިލެކްޝަންސް ކޮމިޝަންގެ ބައެއް މެންބަރުން ކުރަން މަޖިލީހުގެ މިނިވަން މުއައްސަސާތަކުގެ ކޮމިޓީން އިއްޔެ ވަނީ ފާސްކޮށްފަ އެވެ.