ސްޕެނިޝް ލީގުގައި ފަހުގެ ޗެމްޕިއަން ރެއާލް މެޑްރިޑް، ލަސް ޕަލްމާސް އާ ދެކޮޅަށް ރޭ ކުޅުނު މެޗު 1-1 އިން އެއްވަރުވެއްޖެ އެވެ.
މި މެޗުގައި ލަސް ޕަލްމާސް އިން ކުރިން ލީޑު ނެގި ނަމަވެސް ރެއާލް މެޑްރިޑުން ފަހުން އެއްވަރު ކުރި އެވެ.
މެޗުގެ ފުރަތަމަ ލަނޑު ޖެހީ ލަސް ޕަލްމާސްގެ އަލްބާޓޯ މޮލެއިރޯ އެވެ. މިއީ މެޗު ފެށިގެން ފަސްވަނަ މިނެޓުގައި ޖެހި ލަނޑެކެވެ. އެހެންނަމަވެސް ރެއާލް މެޑްރިޑުގެ ވިނީޝިއުސް ޖޫނިއާ 69 ވަނަ މިނެޓުގައި ޕެނަލްޓީއަކުން ލަނޑެއް ޖަހައި ނަތީޖާ އެއްވަރުކުރި އެވެ.
މި މެޗުގައި ރެއާލް މެޑްރިޑުގެ ސްޓާ ކުޅުންތެރިން ކަމުގައިވާ ކީލިއަން އެމްބާޕޭ އާއި އެންޑްރިކަށް ލަނޑު ޖެހުމުގެ ފުރުސަތު ލިބުނު ނަމަވެސް އެ ފުރުސަތުތައް ބޭނުން ނުކުރެވުނެވެ. އަދި ލަސް ޕަލްމާސްގެ ޖެއިމީ މަޓާ ޖެހި އިތުރު ލަނޑެއް އޮފްސައިޑްގެ ސަބަބުން ބާތިލުކުރެވުނެވެ.
މި ނަތީޖާއާ އެކު، ރެއާލް މެޑްރިޑާ އަދި ވާދަވެރި ބާސެލޯނާއާ ދެމެދު އޮތް ފަރަގު ވަނީ ބޮޑު ވެފަ އެވެ. އަދި ލަސް ޕަލްމާސް އަށް ވަނީ ރެއާލް މެޑްރިޑާ ދެކޮޅަށް ކުޅެ، އެ ޓީމު މޮޅުވިޔަ ނުދީ ހުއްޓުވާލެވިފަ އެވެ.