ސްޕްނިޝް ލަލީގާގައި ރޭ އެތްލެޓިކް ކުލަބާ ދެކޮޅަށް ރެއާލް މެޑްރިޑް ކުޅުނު މެޗުގައި އެމްބާއްޕޭގެ ޕެނަލްޓީ ނާކާމިޔާބުވެ ރެއާލް މެޑްރިޑް އެ މެޗުން ބަލިވެއްޖެ އެވެ.
އެމްބާޕޭ އަށް ޕެނަލްޓީ އަކުން ގޯލު ޖެހުމަށް ލިބުނު ރަނުގެ ފުރުސަތުގެ ބޭނުން ނުހިފި ރޭ ކުޅުނު މި މެޗުން ރެއާލް މެޑްރިޑް ބަލިވީ 2-1 އިންނެވެ.
މެޗުގެ 49 ވަނަ މިނެޓުގައި އެތްލެޓިކް ބިލްބާއޯގެ ފަރާތުން ގޯލެއް ކާމިޔާބުކުރި އެވެ. އަދި 77 ވަނަ މިނެޓުގައި އެތްލެޓިކްގެ ދެވަނަ ގޯލު ޖެހުމާއެކު ރެއާލް މެޑްރިޑް މެޗުން މޮޅުވެ ބާސާ ޕްރެޝަރަށް ދުއްވާލުމަށް އޮތް އުއްމީދު ކުޑަވެގެން ދިޔަ އެވެ.
ރޭ ރެއާލްގެ ގޯލު ޖަހައި މެޗުގެ ނަތީޖާ ހަމަހަމަކޮށްދިނީ 78 ވަނަ މިނެޓުގައި ބެލިންގްހަމް އެވެ. ނަމަވެސް އޭގެ ދެ މިނެޓް ފަހުން އަނެއްކާވެސް އެތްލެޓިކް ކުލަބުގެ ގޮރްކާ ގުރުޒެޓާ ވަނީ އެތްލެޓިކޯ އަށް ގޯލުޖަހައިދީ އެޓީމު މޮޅުކޮށްދީފަ އެވެ.
ރޭގެ ބަލިވުމާއެކު 2 މެޗުން މޮޅުވެ އަމިއްލަ ބާރުގައި ބާސެލޯނާއަށް ވުރެ ޕޮއިންޓް ތާވަލުގައި ކުރިއަށް އެރުމަށް ރެއާލް އަށް ލިބުނު ފުރުސަތު މިހާރު ވަނީ ގެއްލިފަ އެވެ. އަދި މިނަތީޖާއާއެކު ބާސެލޯނާގެ ކުޅުންތެރިންނާއި ސަޕޯޓަރުންނަށް ވަނީ ވަރަށް ބޮޑު ހިތްހަމަޖެހުމެއް ވަނީ ލިބިފަ އެވެ.
ކުރިއަށް އޮތް ހަފްތާގައި ރެއާލް މެޑްރިޑް ކުޅޭނީ ސެލްޓާ ވީގޯއާ ދެކޮޅަށެވެ.