ދައުލަތުގެ ބަޖެޓުން މިއަހަރު ފައިސާގެ އެހީ ލިބޭ މަދަނީ ޖަމިއްޔާތަކާ އެކު ޔޫތު މިނިސްޓްރީން އެއްބަސްވުމުގައި ސޮއި ކުރަން ފަށައިފި އެވެ.
ޔޫތު މިނިސްޓްރީގެ ފަރާތުން އެއްބަސްވުމުގައި ސޮއި ކުރައްވަނީ މަދަނީ ޖަމިއްޔާތަކުގެ ރަޖިސްޓްރާ އަލީ ޝަކީލް އެވެ.
އެހީ ލިބުނު 10 ޖަމިއްޔާއަކާ އެކު މިއަދު އެއްބަސްވުމުގައި ސޮއިކޮށްފައިވާއިރު މާދަމާ އިތުރު ޖަމިއްޔާތަކާ އެކު ވެސް ސޮއި ކުރުމަށް ހަމަޖެހިފައިވެ އެވެ.
އެއްބަސްވުމުގައި މިއަދު ސޮއިކުރި ޖަމިއްޔާތައް
- ތުޅާދު ސިލްވާ ޝައިންސް ކްލަބް
- ގަމު ޒުވާނުންގެ ޖަމިއްޔާ
- ހުޅުދެލީ އައިލެންޑް ސޯޝަލް އެންޑް ސްޕޯޓްސް އެސޯސިއޭޝަން
- ސޮސައިޓީ ފޯ ތުނޑީ އެޑްވާންސްމަންޓް އެންޑް ރެކްރިއޭޝަން
- ޑައިބިޓީސް ސޮސައިޓީ އޮފް މޯލްޑިވްސް
- ޖަމިއްޔަތުލް ސަލަފް
- އެސޯސިއޭޝަން ފޯ މަތިވެރި ސްޕޯޓްސް އެންޑް އެވެއާނަސް
- ދުވާފަރު ޔޫތު މޫވްމަންޓް
- ޓޮޕްސީ
- އައިކެންސް އެސޯސިއޭޝަން
ސަރުކާރުގެ ބަޖެޓުން ޖަމިއްޔާތަކަށް ފައިސާ ދޭން ނިންމައި ސަރުކާރުން އެކަން އިއުލާންކުރީ މިދިޔަ މެއި މަހުގެ ތެރޭގައެވެ.
ސަރުކާރުގެ ބަޖެޓުން ޖަމިއްޔާތަކަށް ފައިސާ ދޭން ނިންމީ މުޖުތަމައު ބާރުވެރިކުރުވުމަށް ޖަމިއްޔާތަކުން ކުރާ މަސައްކަތްތަކަށް އެއްބާރުލުން ދިނުމާ އެކު ގައުމީ ތަރައްގީގައި ޖަމިއްޔާތަކުން އަދާކުރާ ދައުރު ފުޅާކުރުމަށެވެ.