ޒުވާނުންގެ އެވޯޑަށް ނަން ހުށަހަޅަން ހުޅުވާލައިފި

ޒުވާނުންގެ އެވޯޑަށް ނަން ހުށަހެޅުމުގެ ފުރުސަތު ޔޫތު މިނިސްޓްރީން ހުޅުވާލައިފި އެވެ.

މި އެވޯޑަށް ނަން ހުށަހެޅުމުގެ ފުރުސަތު ވަނީ މިމަހުގެ 19 ވަނަ ދުވަހުގެ މެންދުރު ފަހު 2:00 އާ ހަމައަށް ހުޅުވާލާފަ އެވެ.

ޒުވާނުންގެ ދުވަސް މި އަހަރު ފާހަގަކުރުމަށް ހަމަޖެހިފައިވަނީ އޮކްޓޫބަރު 22 ވަނަ ދުވަހު އެވެ. މި އަހަރު ޒުވާނުންގެ އެވޯޑުގެ ގޮތުގައި ތަފާތު 17 ދާއިރާއަކުން އިނާމު ދިނުމަށް ވަނީ ކަނޑައަޅާފަ އެވެ.

ޒުވާނުންގެ އިނާމަކީ ތަފާތު ދާއިރާތަކުން ގައުމުގެ ތަރައްގީއަށް ޒުވާނުންކުރާ އަގުހުރި މަސައްކަތްތައް ފާހަގަކޮށް ހިތްވަރު ދިނުމުގެ ގޮތުން ދޭ އިނާމެކެވެ. މި އިނާމަކީ ގައުމުގެ ތަރައްގީގައި ޒުވާނުން އަދާކުރާ މުހިންމު ދައުރު ފާހަގަކޮށް ޒުވާނުންނަކީ މުޖުތަމައުއަށް ފައިދާހުރި، އުފެއްދުންތެރި، ޒިންމާދާރު ބަޔަކަށް ހެދުމަށް ބާރުއަޅައި، ވާގި ދިނުމުގެ ގޮތުން ދޭ އިނާމެކެވެ.

ޔޫތު މިނިސްޓްރީން ކުރި އިއުލާނުގައި ވަނީ ކުރިން އެޕްލިކޭޝަން ފުރިހަމަކޮށް ހުށަހަޅާފައިވާ މީހުން އަލުން އެޕްލިކޭޝަން ހުށަހަޅަން ނުޖެހޭނެ ކަމަށް ބުނެފަ އެވެ.

މި އަހަރު ޒުވާނުންގެ އިނާމު ދިނުމަށް ކަނޑައަޅާފައިވާ ދާއިރާތައް

އިނާމުތަކަށް ނަން ހުށަހެޅުމުގެ ޝަރުތުތަކުގެ ތެރޭގައި ދިވެހި ރައްޔިތެއްކަމުގައިވުމާއި 18 އަހަރު ފުރި އޮކްޓޫބަރު 22 އަށް 36 އަހަރު ފުރިފައިނުވާ ޒުވާނަކަށްވުން ހިމެނެ އެވެ.

މީގެ އިތުރުން ކުރިމަތިލާ ދާއިރާގައި މަދުވެގެން ފަސް އަހަރު މެދުކެނޑުމެއްނެތި ހިދްމަތްކުރަމުން އައުން ހިމެނެ އެވެ. ޔޫތު މިނިސްޓްރީން ބުނި ގޮތުގައި ފަސް އަހަރު ގުނާނީ އުމުރުން 18 އަހަރުވުމަށްފަހު ކޮށްފައިވާ ހިދުމަތްތަކަށެވެ.