މޯލްޑިވްސް އިމިގްރޭޝަންގެ ނަމުގައި ވަޓްސްއެޕް މެދުވެރިކޮށް ވީޑިއޯ ކޯލް ކޮށްގެން ބައެއް މީހުންގެ ފޭސް އައިޑީ ނަގަމުންދާތީ އެކަމަށް ސަމާލުވުމަށް އެދިއްޖެ އެވެ.
އިމިގްރޭޝަނުން ބުނީ ވަޓްސްއެޕް މެދުވެރިކޮށް ރާއްޖެއިން ބޭރު ގައުމެއްގެ ނަންބަރުން އަންނަ ވީޑިއޯ ކޯލްތަކެއްގައި އިމިގްރޭޝަން ޔުނިފޯމާއި ވައްތަރު ޔުނިފޯމެއް އަޅައިގެން ތިބޭ ބަޔަކު، އާންމުންނަށް ގުޅައި އެމީހުންގެ ޒާތީ މައުލޫމާތާއި، ބޭންކު ކާޑުގެ މައުލޫމާތު ހޯދަމުންދާކަން ފާހަގަކުރެވިފައިވާ ކަމަށެވެ.
"މިއީ އެއްވެސް ހާލެއްގައި އިމިގްރޭޝަން އޮފިސަރުންގެ އަމަލެއް ނޫންކަމުގެ ޔަގީންކަން ދެން. އަދި މިފަދަ ސްކޭމް ކޯލްތަކަށް ސަމާލުވުމަށް އެންމެހާ ފަރާތްތަކަށް އިލްތިމާސްކުރަން،" އިމިގްރޭޝަނުން ބުނެފައިވެ އެވެ.
އެ އިދަރާ އިން ބުނި ގޮތުގައި ސްކޭމް ކޯލްތައް ކުރަނީ ޕާކިސްތާނުގެ ނަންބަރަކުންނެވެ. އެއީ +923481077883 އިންނެވެ.
އިމިގްރޭޝަންގެ ނަމުގައި ވީޑިއޯ ކޯލް ކޮށްގެން ބައެއް މީހުންގެ ފޭސް އައިޑީ ހޯދަމުން މިދަނީ ރާއްޖޭގައި ގަވައިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން ވަރުގަދަ އޮޕަރޭޝަންތަކެއް ފަށާފައި ވަނިކޮށެވެ.