މާލޭގެ ސޯސަން މަގު ކޮޅުގައި ހުންނަ ގާމަގު ކެފޭ މަތީ ހުރި ބަދިގެއެއްގައި އަލިފާނުގެ ހާދިސާއެއް ހިނގައިފި އެވެ.
މި ހާދިސާ ހިނގާފައިވަނި މީގެ އިރުކޮޅެއް ކުރިން ހ. ދޫހިމެރިގޭގަ އެވެ.
އެ ސަރަހައްދުގައި ސިފައިންނާއި ފުލުހުން މިވަގުތު ދަނީ ހަރަކާތްތެރި ވަމުންނެވެ. ނަމަވެސް އަލިފާންގަނޑު އަދި އެއްވެސް ވަރަކަށް ކޮންޓްރޯލް ކުރެވިފައެއް ނުވެ އެވެ.
ސަރަަހައްދުގައި ސިފައިން ހަރަކާތްތެރި ވަނީ -- ފޮޓޯ: އަވަސް
ސޯޝަލް މީޑިއާގަިއ ހުރި ފޮޓޯއާއި ވީޑިއޯތަކުން ފެންނަ ގޮތުގައި އެ ސަރަހައްދުގައި ވަނީ ވަރަށް ބޮޑަށް ދުން ބޯވެފަ އެވެ.
މި އިމާރާތުގައި އަލިފާން ރޯވާން ދިމާވި ސަބަބެއް އަދި އަލިފާނުގެ ސަބަބުން އިމާރާތަށް ލިބުނު ގެއްލުމެއް ވެސް އަދި އެނގިފައެއް ނުވެ އެވެ.
މިހާދިސާގައި އެއްވެސް މީހަކަށް އަނިޔާވެފައި ނުވާ ކަމަށް މައުލޫމާތު ލިބެ އެވެ.
