ކުޑަ އަންހެން ކުއްޖަކަށް ކުޑަ ފިރިހެން ކުއްޖަކު ޖިންސީ ގޯނާކުރި ކަމަށް ބުނާ މައްސަލައެއް ބަލަން ފަށައިފި އެވެ.
ފުލުހުން މިރޭ ބުނީ ސައުތު ސެންޓްރަލް ޕޮލިސް ހިމެނޭ ރަށެއްގައި 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް މިއަދު ރިޕޯޓްކޮށްފައިވާ ކަމަށެވެ.
ފުލުހުންގެ ސައުތު ސެންޓްރަލް ޕޮލިސްގައި ހިމެނޭ އަތޮޅު ތަކަކީ މ، ފ، ދ، ތ އަދި ލ. އަތޮޅެވެ.
މިއީ ކުޑަކުދިން ޝާމިލްވާ މައްސަލައަކަށް ވާތީ މައްސަލަ ތަހުގީގު ކުރަނީ ފުލުހުންނާއި ޖެންޑާ މިނިސްޓްރީ ގުޅިގެން ކަމަށްވެސް ފުލުހުން ބުންޏެވެ.
ޖިންސީ އަނިޔާ ލިބުނު ކަމަށް ބުނާ އަންހެން ކުއްޖާއަށް 10 އަހަރުވެސް ނުވާ ކަމަށް އަވަސް އެނގިފައިވެ އެވެ.