އެންޓި ކޮރަޕްޝަން ކޮމިޝަން (އޭސީސީ) މެންބަރުންގެ މާލީ ބަޔާން އާންމުކުރަން ނިންމާފައިވާ ކަމަށް އެ ކޮމިޝަނުން ބުނެފި އެވެ.
އެ ކޮމިޝަންގެ އަހަރީ ރިޕޯޓް ނެރުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުން ކޮމިޝަނުގެ ރައީސް ހަސަން ލުތުފީ ވިދާޅުވީ، އޮޑިޓާ ޖެނަރަލް އޮފީހަށް އެ މެންބަރުން ހުށަހަޅަންޖެހޭ މާލީ ބަޔާންތައް މީޑިޔާއާ ހިއްސާކުރުމަށް ނިންމާފައިވާ ކަމަށެވެ.
"އަޅުގަނޑުގެ އުއްމީދަކީ އަޅުގަނޑުމެން މިކަން ކުރާ ބީދައިން އެހެން މިނިވަން މުއައްސަސާތަކުން ވެސް ކަންކުރައްވާނެ ކަމަށް،" ލުތުފީ ވިދާޅުވި އެވެ.
ލުތުފީ ވިދާޅުވީ، މިދިޔަ އަހަރު އެ ކޮމިޝަނުން ވަނީ ކޮރަޕްޝަނާ ދެކޮޅަށް ގިނަ މަސައްކަތްތަކެއް ކޮށްފައި ކަމަށާއި މި އަހަރުގެ ވެސް ކޮރަޕްޝަނާ ދެކޮޅަށް މަސައްކަތްތަކެއް ކުރާނެ ކަމަށެވެ. އެގޮތުން މި އަހަރުގެ ތެރޭގައި ނަޒާހަތްތެރިކަމުގެ ގައުމީ ޕްލޭން ލޯންޗުކުރެވިގެންދާނެ ކަމަށެވެ. އެ ޕްލޭން ލޯންޗްކުރެވުމާއެކު ދައުލަތުގެ ކޮރަޕްޝަން ހުއްޓޭނެ ކަމަށް ވިދާޅުވި އެވެ.
މީގެއިތުރުން މި އަހަރުގެ ތެރޭގައި ކޮމިޝަނަށް މައްސަލަ ހުށަހަޅާ ފަރާތްތަކަށް ރައްކާތެރި ލިބޭނެ ގަވާއިދެއް ވެސް އެކުލަވާލާނެ ކަމަށް ލުތުފީ ވިދާޅުވި އެވެ. އެ ގަވައިދުގެ ބޮޑު ބައި ނިމި، ވަރަށް އަވަހަށް ގެޒެޓްކުރާނެ ކަމަށް ވިދާޅުވި އެވެ.
ކޮރަޕްޝަން ހުއްޓުވުމަށް އޭސީސީއިން ކުރަމުންދާ މަސައްކަތަށް އެއްވެސް ފަރާތެއް ނުފޫޒެއް ނުފޯރާ ކަމަށާއި އެ މަސައްކަތަށް ސަރުކާރުގެ ވަރަށް ބޮޑު އެއްބާރުލުމެއް ލިބޭ ކަމަށް ވެސް އޭސީސީގެ ރައީސް ވިދާޅުވި އެވެ.
އޭސީސީގެ ބައެއް މެންބަރުން --