ފަސާދަކުރުން ހުއްޓުވުމަށް އަމަލާއި ބަހުން ތެދުވެރި މަސައްކަތެއް ފެށުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެދިވަޑައިގެންފި އެވެ.
ރައީސް މުއިއްޒު މިކަމަށް އެދިވަޑައިގަތީ ބައިނަލްއަގުވާމީ އެންޓި-ކޮރަޕްޝަން ދުވަހާއި ގުޅިގެން އެކްސްގައި ކުރެއްވި ޕޯސްޓެއްގައި އެވެ.
އެ ޕޯސްޓްގައި ރައީސް މުއިއްޒު ވަނީ ކޮރަޕްޝަނަށް މަގު ފަހިވެދާނެ ކަމަކަށް ނޭދުމަށާއި އެފަދަ ހުށަހެޅުމެއް ގަބޫލުވެސް ނުކުރުމަށް އެދިވަޑައިގެންފަ އެވެ.
މީގެ އިތުރުން ފަސާދަކުރުން ހުއްޓުވުމަށް އަމަލާއި ބަހުން ތެދުވެރި މަސައްކަތެއް ކުރުމަށް ފެށުމަށް އެދިވަޑައިގެންނެވި އެވެ.
ކޮންމެ އަހަރެއްގެވެސް ޑިސެމްބަރު ނުވަ ވަނަ ދުވަސް ފާހަގަކުރަނީ ބައިނަލްއަގުވާމީ އެންޓި-ކޮރަޕްޝަން ދުވަހުގެ ގޮތުގަ އެވެ.