ޔޫރަޕް އަދި އަރަބި އިސްލާމީ ގައުމުތަކުން ފަލަސްތީންގެ މިނިވަން ދައުލަތެއް ގާއިމުކުރުމަށް އާ މަސައްކަތެއް ފަށައިފި އެވެ. މި މަސައްކަތް ފެށުނީ އދގެެ އާންމު މަޖިލީހުގެ ބައްދަލުވުންތަކުގެ ތެރެއިން ދާދި ފަހުންނެވެ.
މި އިސްނެގުމުގައި ހިމެނެނީ ޔޫރަޕިއަން ޔޫނިއަން އަދި އަރަބި ލީގުގެ މެންބަރު ގައުމުތަކެވެ. މީގެ ތެރޭގައި ސައުދީ އަރަބިއްޔާ، އުރުދުން، މިސްރު އަދި ފަލަސްތީނުގެ އިތުރުން އެހެން ގައުމުތައްވެސް ހިމެނެ އެވެ.
މި އިސްނެގުމުގެ މަގުސަދަކީ އިޒްރޭލާއި ފަލަސްތީނުގެ ދެމެދުގައި ދެ ދައުލަތުގެ ހައްލެއް ހޯދުމަށް މަސައްކަތްކުރުމެވެ. އަދި މިކަމަށް ބައިނަލްއަގްވާމީ އެއްބާރުލުން ހޯދުމެވެ. މި މަސައްކަތުގެ ތެރެއިން ފަލަސްތީން ދައުލަތެއް ގާއިމުކުރުމަށް ވަކި މުއްދަތެއް ކަނޑައެޅުމަށްވެސް ވަނީ ހުށަހަޅާފަ އެވެ.
ނޯވޭގެ ބޮޑުވަޒީރު ޖޯނާސް ގަހަ ސްޓޯރޭ ވިދާޅުވީ މި މަސައްކަތަކީ އަވަސް ގޮތެއްގައި ކުރިއަށް ގެންދަންޖެހޭ ކަމެއް ކަމަށެވެ. އަދި މިކަމަށް ބައިނަލްއަގްވާމީ އެއްބާރުލުން ބޭނުންވާ ކަމަށެވެ.
ސައުދީ އަރަބިއްޔާގެ ބޮޑުވަޒީރު މުހައްމަދު ބިން ސަލްމާން ވިދާޅުވީ ފަލަސްތީނުގެ މައްސަލައަށް ދާއިމީ ހައްލެއް ހޯދުމަކީ މުހިއްމު ކަމެއް ކަމަށެވެ. އަދި މިކަމުގައި އަރަބި ގައުމުތަކުން އެއްބާރުލުން ލިބޭނެ ކަމަށެވެ.
އެހެންނަމަވެސް އިޒްރޭލުގެ ބޮޑުވަޒީރު ބެންޖަމިން ނެތަންޔާހޫ ވިދާޅުވެފައިވަނީ ފަލަސްތީނު ދައުލަތެއް ގާއިމުކުރުމަކީ އިޒްރޭލުގެ ސަލާމަތަށް ނުރައްކަލެއް ކަމަށެވެ. އަދި މިފަދަ މަސައްކަތްތަކަކީ އިޒްރޭލަށް ބަލައިގަނެވޭނެ ކަމެއް ނޫން ކަމަށެވެ.
މި އިސްނެގުމުގެ ދަށުން ކުރިއަށް އޮތް ތަނުގައި އިތުރު މަޝްވަރާތަކެއް ކުރިއަށް ގެންދިއުމަށް ވަނީ ރޭވިފަ އެވެ. އަދި މިކަމާ ގުޅޭގޮތުން އދގެ ބައްދަލުވުންތަކުގައި އިތުރު މަޝްވަރާތައް ކުރިއަށް ގެންދާނެ ކަމަށް ބައިވެރިން ވަނީ ބުނެފަ އެވެ.