ސާފް ވިމެންސް ޗެމްޕިއަންޝިޕްގައި ރާއްޖޭގެ އަންހެން ފުޓްބޯޅަ ޓީމުން ކުޅުނު ފުރަތަމަ މެޗުގައި ސްރީލަންކާ އަތުން 1-0 އިން ބަލިވެއްޖެ އެވެ.
ނޭޕާލްގެ ދަސްރަތު ސްޓޭޑިއަމްގައި ކުޅުނު މި މެޗުގައި މޮޅުވުމަށް ރާއްޖޭގެ ޓީމުން ވަރުގަދަ ކުޅުމެއް ދެއްކި ނަމަވެސް ބަލިވިޔަ ނުދީ ހިފަހައްޓާލެވޭ ގޮތެއް ނުވި އެވެ.
މެޗުގެ ހަމައެކަނި ގޯލު ޖެހީ 17 ވަނަ މިނެޓުގައި ސްރީލަންކާގެ ޓީމުންނެވެ.
މި ގޯލަށް ފަހު ސްރީލަންކާއަށް އިތުރު ގޯލުތަކެއް ޖެހުމުގެ ފުރުސަތު ލިބުނު ނަމަވެސް ރާއްޖޭގެ ގޯލްކީޕަރު އާމިނަތު ލީޒާގެ ފަރާތުން ދެއްކި ހުނަރުވެރި ކުޅުމާއެކު އިތުރު ގޯލެއް ނުޖެހުނެވެ.
މެޗުގެ ގިނަ ވަގުތު ބޯޅަ ކޮންޓްރޯލް ކުރީ ސްރީލަންކާގެ ޓީމުންނެވެ. ނަމަވެސް ރާއްޖޭގެ ޓީމުންވެސް ކައުންޓާ އެޓޭކްތަކުގައި ނުރައްކާތެރި ފުރުސަތުތަކެއް ހޯދި އެވެ.
މި މެޗުގައި ރާއްޖޭގެ ކެޕްޓަން ހައްވާ ހަނީފާގެ ކުޅުން ހާއްސަ ގޮތެއްގައި ފާހަގަ ކުރެވުނެވެ.
ސާފް ވިމެންސް ޗެމްޕިއަންޝިޕްގައި ރާއްޖެ ހިމެނޭ ގްރޫޕް ބީގައި އިތުރަށް ހިމެނެނީ ސްރީލަންކާ، ނޭޕާލް އަދި ބޫޓާނެވެ. ރާއްޖޭގެ ދެވަނަ މެޗު އޮންނާނީ މިއަންނަ ހޯމަ ދުވަހު ނޭޕާލާ ދެކޮޅަށެވެ.