އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށް މަރުގެ އިންޒާރު ދިން މައްސަލައެއް ފުލުހުން ތަހުގީގުކުރަން ފަށައިފި އެވެ.
ފުލުހުން މިއަދު ބުނީ މިނިސްޓަރަށް މަރުގެ އިންޒާރުދިން މައްސަލައެއް ސިޓީއަކުން އިއްޔެ ހުށަހަޅާފައިވާ ކަމަށެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
މިފަހުން ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ވެސް މީހަކު ވަނީ މަރުގެ އިންޒާރު ދީފަ އެވެ.
އެ މައްސަލައިގައި ފުލުހުން ވަނީ ގ. ސަންސަންގެއާގެ، އަބްދުﷲ މިޔާދު (40 އ) ހައްޔަރުކޮށްފަ އެވެ. އޭނާ ވަނީ ކްރިމިނަލް ކޯޓަށް ގެންދިޔުމުން 15 ދުވަހަށް ބަންދުކުރުމަށް އަމުރުކޮށްފަ އެވެ.