ކޮޕް29ގައި ބައިވެރިވާ ޒުވާނުންނާއި އެންވަޔަރަންމަންޓް މިނިސްޓަރު ތޯރިގު އިބުރާހީމް ބައްދަލުކުރައްވައިފި އެވެ.
މިބައްދަލުކުރެއްވުމުގައި މިނިސްޓަރު ތޯރިގު ވިދާޅުވީ މޫސުމަށް އަންނަ ބަދަލުތަކާއި ގުޅޭގޮތުން މަސައްކަތް ކުރުމުގައި ޒުވާނުންގެ ހިޔާލާއި މަޝްވަރާ އަކީ މުހިއްމު އެއްޗެއް ކަމަށެވެ.
މިނިސްޓަރު ވިދާޅުވީ ގައުމުގެ މުސްތަގުބަލަށްޓަކައި މަަސައްކަތްކުރުމުގައި ޒުވާނުންގެ ބައިވެރިވުން އަބަދުވެސް ސަރުކާރަށް ބޭނުންވާނެ ކަމަށެވެ. ތިމާވެށި ރައްކާތެރި ކުރުމަކީ ކުރިއަށް އޮތް ޖީލުގެ މުސްތަގުބަލްގެ ސަލަމަތާއި ރައްކާތެރިކަމަށްޓަކައި ކުރަންޖެހޭ ކަމެއް ކަމަށްވެސް މިނިސްޓަރު ވިދާޅުވި އެވެ.
މި ބައްދަލުވުމުގައި ފާޅުކުރި ހިޔާލުތަކުގެ ތެރޭގައި މޫސުމަށް އަންނަ ބަދަލުތަކާ ގުޅޭ ސިޔާސަތުތައް އެކުލަވާލުމުގައި ޒުވާނުންގެ ބައިވެރިވުން އިތުރުކުރުމާއި، ތިމާވެށި ރައްކާތެރިކުރުމަށް އަމާޒުކޮށްގެން ޒުވާނުންނަށް ވަޒީފާގެ ފުރުސަތުތައް އިތުރުކުރުމަށް މަޝްވަރާކުރައްވާފައިވެ އެވެ.
ކޮޕް 29 ސަމިޓް މިއަހަރު ބާއްވަން ހަމަޖެހިފައިވަނީ އަންނަ މަހުގެ 11 އިން 22 އަށް އަޒަރުބައިޖާންގެ ބަކޫ ގައެވެ.