ދަނޑުވެރިކަމުގެ މަސައްކަތް ކުރުމަށް ގދ. ކަންނިގިއްލާ ކުއްޔަށް ދޫކުރުމަށް ހުޅުވާލައިފި އެވެ.
ހޯޑެއްދޫ ކައުންސިލުން މިފުރުސަތު ހުޅުވާލާފައިވަނީ ރާއްޖެއިން ބޭރުގެ ފަރާތްތަކަށްވެސް ކުރިމަތިވޭ ގޮތެށެވެ.
ހޯޑެއްދޫ ކައުންސިލުން ކުރި އިއުލާނެއްގައި ބުނީ ބޮޑުމިނުގައި 430،000 އަކަފޫޓު ހުންނަ ކަންނިގިއްލާގައި ދަނޑުވެރިކަން ކުރުމުގެ އިތުރުން ދިރޭތަކެތި ގެން ގުޅުމާއި މެރިކަލްޗާގެ މަސައްކަތް ވެސް ކުރެވޭނެ ކަމަށެވެ.
ހޯޑެއްދޫ ކައުންސިލުން ބުނީ މިކަމަށް ޝައުގުވެރިވާ ފަރާތްތަކުން އަަންނަ ނޮވެމްބަރު މަހުގެ 10 ވަނަ ދުވަހުގެ ކުރިން އީއައިއޯ ހުށަހަޅަން ޖެހޭނެ ކަމަށެވެ. އަދި ބިޑު ހުށަހެޅުމުގެ އެންމެ ފަހު ތާރީހަކީ ނޮވެންބަރު މަހުގެ 21 ވަނަ ދުވަސް ކަމަށްވެސް ކައުންސިލުން ބުންޏެވެ.
އަމާޒަކީ މި މަޝްރޫއުގެ ސަބަބުން ސަރަަހައްދުގެ ދަނޑުވެރިކަން ކުރިއަރައި، އިގްތިސާދީ ކުރިއެރުންތައް ހޯދުން ކަމަށްވެސް ހޯޑެއްދޫ ކައުންސިލުން ބުންޏެވެ.