މާފަރު އިންޓަނޭޝަނަލް އެއާޕޯޓުގެ އިންޓަނޭޝަނަލް ދަތުރުތައް މެދުކަނޑާލުމަށްފަހު އަލުން ދަތުރުތައް ފަށައިފި އެވެ.
ދަތުރުތައް ފަށާފައި މިވަނީ ރަންވޭއަށް 650 މީޓަރު އިތުރުކޮށް ބޮޑުކުރުމުގެ މަސައްކަތަށް ފަހު އެވެ.
މާފަރު އެއާޕޯޓުގެ ދަތުރުތައް އަލުން ފެށިއިރު އެއާޕޯޓްގެ ފެންވަރު ރަނގަޅުކުރުމަށް އޭޕްރަން ބޮޑުކުރުމުގެ މަސައްކަތްވެސް އެމްޓީސީސީއާ ހަވާލުކޮށްގެން އަންނަނީ ކުރަމުންނެވެ.
މި މަޝްރޫއުގެ ދަށުން މިހާރު އޮތް 453 އަކަމީޓަރުގެ ފަޔަ ރޯޑު ތަޅާލުމާއ،ި 18,660 އަކަމީޓަރު ސަރަހައްދެއްގެ ވެލިގަނޑުގެ މަތީ ފަށަލަ ނަގައ،ި ސަބްބޭސް ތައްޔާރުކޮށް، ވެއަރިން ކޯސްއެއް އެޅުމާއ،ި 4,047 އަކަމީޓަރުގެ ސަރަހައްދެއް ގްރޭޑްކޮށް ކޮމްޕެކްޓް ކުރުމުގެ މަސައްކަތްކުރުމަށް ހަމަޖެހިފައިވެ އެވެ.
ވެލާނާ އިންޓަނޭޝަނަލް އެއާޕޯޓަށް ފަހު ދެން އެންމެ ގިނައިން ޕްރައިވެޓް ޖެޓު ޖައްސާ މާފަރު އެއާ ޕޯޓް ހެދުމަށް އަބޫދާބީ ފަންޑުން 60 މިލިއަން ޑޮލަރު ހަރަދު ކޮށްފައިވެ އެވެ. މާފަރު އިންޓަނޭޝަނަލް އެއާޕޯޓު ހުޅުވީ ޑިސެމްބަރު 2019 ގައެވެ.
މާފަރު އިންޓަނޭޝަނަލް އެއާޕޯޓް އޮންނަ ނ. އަތޮޅަކީ މަޝްހޫރު ގިނަ ރިސޯޓްތަކެއް ހިންގަމުން އަންނަ އަތޮޅެކެވެ. މީގެތެރޭގައި ސޮނެވާޖާނީގެ އިތުރުން ވެލާ އަދި ރަންދެލި ރިސޯޓްވެސް ހިމެނެ އެވެ.