ޕްރޮސެކިއުޓާ ޖެނެރަލް (ޕީޖީ) އޮފީހުން ކޯޓަށް ހުށަހަޅާފައިވާ ދައުވާތަކާއި ބަންދުގައި ތިބި މީހުންގެ ބަންދު މުރާޖައާކުރުމަށް ހުޅުވާލި ފުރުސަތުގައި 500 އަށްވުރެ ގިނަ ޝަކުވާ ހުށަހަޅައިފި އެވެ.
ޕީޖީގެ ނިންމުންތަކާމެދު ޝަކުވާ ހުށަހެޅުމުގެ ފުރުސަތު ހުޅުވާލީ އެ މަގާމާ މިދިޔަ ސެޕްޓެމްބަރު މަހު ހަވާލުވެވަޑައިގެންނެވި އައްބާސް ޝަރީފް އެވެ.
އެ ގޮތުން ޝަކުވާ ހުށަހެޅުމުގެ ފުރުސަތު މިމަހުގެ 1 އިން 20 އަށް ހުޅުވާލި އެވެ.
ޕީޖީ އޮފީހުން ހާމަކުރި ގޮތުގައި ޝަކުވާ ހުށަހެޅުމަށް ހުޅުވާލި ފުރުސަތުގައި 539 ޝަކުވާ ހުށަހަޅާފައިވެ އެވެ. އެ ޝަކުވާތައް މުރާޖައާކުރުމުގެ މަސައްކަތް ކޮމިޓީން ކުރަމުންދާ ކަމަށްވެސް ޕީޖީ އޮފީހުން ބުނެ އެވެ.
ޕީޖީގެ މަގާމަށް އައްބާސް ޝަރީފު އައްޔަންކުރެއްވީ ސެޕްޓެމްބަރު 18 ވަނަ ދުވަހު އެވެ.