ޓްރާންސްފޯމަރުން ވައްކަން ކުރަން އުޅުނު މީހަކު ހައްޔަރުކޮށްފި

ހުޅުމާލޭ ފޭސް 2 ގައި ކަރަންޓު ދިނުމަށް ބޭނުންކުރާ ޓްރާންސްފޯމަރެއްގެ ތެރެއަށް ވަދެ އިން މީހަކު ހައްޔަރުކޮށްފި އެވެ.

ފުލުހުން ބުނީ ރޭ ފަތިހު 5:30 ހާއިރު ހިޔާގެ 13 ވަނަ ޓަވަރު ކައިރީ ހުރި ޓްރާންސްފޯމަރެއް ތެރެއަށް މީހަކު ވަދެ ވައްކަން ކުރަން އުޅުނު މައްސަލައެއް ރިޕޯޓްކޮށްފައިވާ ކަމަށެވެ.

މިމައްސަލާގައި ހައްޔަރުކޮށްފައިވަނީ 32 އަހަރުުގެ ދިވެހި ފިރިހެނެއް ކަމަށް ވެސް ފުލުހުން ބުންޏެވެ.

މިކަމާ ގުޅޭ ވީޑިއޯތަކެއްވެސް ޝޯސަލްމީޑިއާގައި ދަނީ ދައުރު ވަމުންނެވެ.

ފޮޓޯތަކުން ފެންނަނީ ސްޓެލްކޯގެ މުވައްޒަފުންނާއި ފުލުހުން ޓްރާންސްފޯމަރު ކައިރިއަށް ދިޔައިރު އެ މީހާ އިންނަނީ ޓްރާންސްފޯމަރު ތެރޭ، އެތެރެއިން ދޮރުގައި ހިފަހައްޓައިގެންނެވެ.

ކަރަންޓް ކޭބަލްތަކުން ވަށްކަން ކުރުމުގެ ހާދިސާތަށް މީގެ ކުރިންވެސް ހިގާފައިވެ އެވެ.