މެންޗެސްޓާ ޔުނައިޓެޑްގެ ހެޑް ކޯޗް އެރިކް ޓެން ހާގް މަގާމުން ވަކިކޮށްފައިވާ ކަމަށް ރަސްމީކޮށް އިޢުލާނުކޮށްފި އެވެ.
ޔުނައިޓެޑުން ނެރުނު ބަޔާނުގައި ވަނީ ޓެން ހާގްގެ ޒިންމާތަކުން މިއަދުން ފެށިގެން އޭނާ ވަކިކޮށްފައިވާ ކަމަށެވެ.
ދެހާސް ބާވީސް ވަނަ އަހަރުގެ އޭޕްރިލް މަހު ޔުނައިޓެޑާ ގުޅުނު ޓެން ހާގް، އޭނާގެ ދައުރުގައި ކަރަބޯ ކަޕް އާއި އެފްއޭ ކަޕް ކާމިޔާބުކޮށްދިނެވެ. ނަމަވެސް ޔުނައިޓެޑްގެ ދަށް ކުޅުމުގެ ސަބަބުން މިއަދު އޭނާ މަގާމުން ވަކިކުރީ އެވެ.
ޕްރިމިއާ ލީގްގައި ޔުނައިޓެޑަށް މިހާރު 11 ޕޮއިންޓް ލިބިފައިވާއިރު ފަހުގެ ފަސް މެޗްގެ ތެރެއިން އެޓީމު މޮޅުވެފައިވަނީ އެންމެ މެޗަކުންނެވެ.
ޓެން ހާގް ވަކިކުރުމުން ވަގުތީ ގޮތުން ރުޑް ވޭން ނިސްޓަލްރޫއީ އެޓީމްގެ ސީނިއަ ކޯޗުގެ ގޮތުގައި ހުންނާނެ ކަމަށް އިނގިރޭސި މީޑިއާ ރިޕޯޓްތަށް ބުނެ އެެވެ.