ގަވައިދާހިލާފަށް އުޅޭ އިތުރު ބިދޭސީން ތަކެއް އިމިގުރޭޝަންގެ ބެލުމުގެ ދަށަށް ގެންގޮސްފި އެވެ.
މޯލްޑިވްސް އިމިގްރޭޝަނުން ބުނީ ގަވާއިދާ ހިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަންގެ ދަށުން މާލޭގައި ހުންނަ ތިން ކެފޭއެއް އިއްޔެ ބަލައި ފާސްކޮށްފައިވާ ކަމަށެވެ.
އެތަންތަނުގައި ގަވާއިދާ ހިލާފަށް މަސައްކަތް ކުރަމުން ދިޔަ ބިދޭސީ ހަތަރު ފިރިހެނަކާއި އަންހެނަކު އަތުލައިގެންފައިވާ ކަމަށް އިމިގްރޭޝަނުން ބުނެ އެވެ.
ގަވާއިދާހިލާފަށް އުޅޭ ބިދޭސީންގެ މައްސަލަ ހައްލުކުރުމަށް އިމިގުރޭޝަނުން ކުރަމުންދާ މަސައްކަތުގައި މިހާތަނަށް މާލެ ސަރަހައްދުން ވަނީ ގިނަ އަދަދެއްގެ ބަޔަކު އަތުލައިގެންފަ އެވެ.
ނޮވެމްބަރު 17 އިން ފެށިގެން މިހާތަނަށް 4،300 އަށް ވުރެ ގިނަ ބިދޭސީން ޑީޕޯޓްކޮށްލާފައިވާ ކަމަށް އިމިގުރޭޝަނުން ވަނީ ބުނެފަ އެވެ.