އެއް ދުވަސް ތެރޭގައި 1،069 ވޯކު ވިސާ ދޫކޮށްފައިވާ ކަމަށް އިިމިގުރޭޝަނުން ބުނެފި އެވެ.
މޯލްޑިވްސް އިމިގްރޭޝަނުން ބުނީ ރާއްޖެގައި ގަވާއިދާ ހިލާފަށް އުޅޭ މީހުންގެ މައްސަލަ ހައްލުކުރުމަށް ކުރަމުންދާ މަސައްކަތުގެ ތެރެއިން ބޭރު މީހުންނަށް ދޫކުރާ ވޯކު ވިސާ އެންމެ ގިނައިން ދޫކޮށްފައިވަނީ އިއްޔެ ކަމަށެވެ.
އެގޮތުން އިއްޔެ އެކަނިވެސް 1،069 ވޯކް ވިސާ ދޫކޮށްފައިވާ ކަމަށް އިމިގްރޭޝަނުން ބުންޏެވެ.
އިމިގްރޭޝަނުން ބުނީ ރާއްޖޭގައި ގަވާއިދާ ހިލާފަށް އުޅޭ މީހުންގެ ކަންކަން ހައްލުކުރުމަށް ކުރަމުންދާ މަސައްކަތް ވަރަށް ބޮޑު ތަން އިތުރުވެފައިވާ ކަމަށެވެ. އެގޮތުން ވިސާ ހޯދަން އަންނަ މީހުންގެ އަދަދު އިތުރު ވެފައިވާ ކަމަށް އިމިގުރޭޝަނުން ބުންޏެވެ.
ވިސާ ހޯދުމަށް އަންނަ މީހުންގެ އަދަދާއި ޝަކުވާތައްވެސް އިތުރުވެފައިވާތީ އެކަމަށް ހައްލު ހޯދުމަށް އޮންލައިންކޮށް "އޭންޓް ކިޔޫ" އެޕްލިކޭޝަން މެދުވެރިކޮށް ކިޔު ނަމްބަރު ނެގޭ އެޕްލިކޭޝަނެއް މިދިޔަ މެއި މަހު ވަނީ ތައާރަފްވެސް ކޮށްފަ އެވެ.