ރައީސް ޑރ. މުހައްމަދު މުއިއްޒުގެ ސަރުކާރުގައި ކުނި އުފުލާ 99 ވެހިކަލް އެކި ރަށްތަކަށް ފޯރު ކޮށްދީފައިވާ ކަމަށް އެންވަޔަރަންމަންޓް މިނިސްޓްރީން ބުނެފި އެވެ.
އެންވަޔަރަންމަންޓް މިނިސްޓްރީން ބުނީ މިސަރުކާރުގައި މިހާތަނަށް 75 އަށް ވުރެ ގިނަ ރަށަށް ކުނި މެނޭޖުކުރުމަށް ބޭނުންވާ 99 ވެހިކަލް ފޮނުވާފައިވާ ކަމަށެވެ. ކުނީގެ ގޮތުގައި ޖަމާކުރާ ބިއްލޫރި ފަދަ ތަކެތި ތެޅުމަށް ހާއްސަ 72 އާލާތެއް ފޯރު ކޮށްދީފައިވާ ކަމަށްވެސް ބުންޏެވެ.
މީގެ އިތުރުން ކުނި އުފުލުމަށް ބޭނުންވާ 201 ހޭންޑް ކްރާފްޓް ވެސް އެކި ރައްތަކަށް ފޯރުކޮށްދީފައިވާ ކަމަށް އެންވަޔަރަންމަންޓް މިނިސްޓްރީން ބުންޏެވެ.
އެ މިނިސްޓްރީން ބުނީ ރާއްޖެއަށް ދިމާވެފައިވާ ކުނީގެ މައްސަލައަށް ހައްލު ހޯދުމަށް ގިނަ މަސައްކަތްތަކެއް ކުރަމުންދާ ކަމަށެވެ. އެގޮތުން ކުނިން ގަސްކާނާ އުފެއްދުމުގެ މަސައްކަތް ހަތަރު ރަށެއްގައި ކުރަމުންދާއިރު އިތުރު ހަ ރަށެއްގައި އެ މަސައްކަތް ފެށުމަށް ތައްޔާރުވަމުންދާ ކަމަށްވެސް ބުންޏެވެ.
ކުނީގެ މައްސަލަތަކަކީ ރާއްޖެގެ ގިނަ ރައްތަކަކަށް ދިމާވެފައިވާ ބޮޑު މައްސަލަ އެކެވެ.