ޓިކްޓޮކްގެ މައި ކުންފުނި ބައިޓްޑާންސްގެ ކޯފައުންޑާ އުމުރުން 41 އަހަރުގެ ޒަންގް ޔިމިންގް ޗައިނާގެ އެންމެ މުއްސަނދި މީހާއަށް ވެއްޖެ އެވެ.
މިދިޔަ އަންގާރަ ދުވަހު ޗައިނާގެ އެންމެ މުއްސަނދި މީހުންގެ ލިސްޓް ނެރުނުއިރު ޒަންގް ޔިމިންގްގެ މިލްކިއްޔާތުގައި 49.3 ބިލިއަން ޑޮލަރު ހުރި ކަމަށް ދައްކަ އެވެ.
ބައިޓްޑާންސްގެ ގްލޯބަލް އާމްދަނީ ފާއިތުވި އަހަރު 30 ޕަސަންޓަށް އިތުރުވެ 110 ބިލިއަން ޑޮލަރަށް އަރާފައިވާ ކަމަށްވެސް ރިޕޯޓްތަކުން ދައްކަ އެވެ.
ދެހާސް ސަތާރަވަނަ އަހަރުގެ މެއި މަހު ރަސްމީކޮށް ފެށި ޓިކްޓޮކް ވަނީ ދުނިޔޭގެ ޒުވާނުންގެ މެދުގައި މަގޫބޫލު ސޯޝަލް މީޑިއާ ޕްލެޓްފޯމަކަށް ވެފަ އެވެ. ޓިކްޓޮކަކީ އެމެރިކާގެ މާކެޓަށް ވަންނަން ބޭނުންވާ އެހެން ޗައިނީސް ކުންފުނިތަކަށްވެސް މިސާލަކަށް ވެފައި އޮތް ކުންފުންޏެކެވެ.
ޒަންގް އަކީ 2012 ގައި އޭނާގެ ކޮލެޖް ރޫމްމޭޓް -- ލިއަންގް ރުބޯއާއެކު ބީޖިންގްގައި ބައިޓްޑާންސް އުފެއްދި މީހާ އެވެ. ބައިޓްޑާންސްގައި މިހާރު އޭނާގެ 20 ޕަސަންޓް ހިއްސާ އޮވެ އެވެ. 2021 ވަނަ އަހަރު ބައިޓްޑާންސް ޗައިނާގެ އެންމެ ބޮޑެތި ޓެކް ކުންފުނިތަކުގެ ތެރެއިން އެއް ކުންފުންޏަކަށް ހެދުމަށްފަހު، އޭނާ ސީއީއޯ ކަމުން ވަކިވި އެވެ.