ލީގުގައި ކުރިއަށް ދިއުމަށް އާސެނަލް އަށް މުހިއްމުކަން ބޮޑު މެޗުގައި، ނިއުކާސަލް ޔުނައިޓެޑް މޮޅުވެއްޖެ އެވެ.
މި މެޗުގެ ނަތީޖާއަކީ 1-0 އެވެ. ދެ ޓީމުވެސް ވަރަށް ވާދަވެރިކޮށް ކުޅުނު މި މެޗުގައި ނިއުކާސަލްގެ ގޯލު ޖެހީ މެޗުގެ ފުރަތަމަ ބައިގަ އެވެ.
މެޗު ފެށިގެން 12 ވަނަ މިނެޓުގައި އެލެކްސެންޑަ އިސާކް އެ ޓީމަށް ގޯލު ޖަހައިދިނެވެ. އެއީ އެންތޮނީ ގޯޑަންގެ ކްރޮސް ބޯޅައަކަށް އިސާކް ބޮލުން ޖަހާލި ގޯލެކެވެ.
އޭގެ ފަހުން ދެ ޓީމަށްވެސް ގޯލު ޖެހޭ ކަހަލަ ގިނަ ފުރުސަތުތަކެއް ލިބުނެވެ. އާސެނަލްވެސް ނިއުކާސަލްގެ ގޯލަށް ނުރައްކާތެރި ހަމަލާތައް ދިނެވެ. ނަމަވެސް ނިއުކާސަލް އިން މި ހަމަލާތައް ރަނގަޅަށް ދިފާއު ކުރިއެވެ.
ޕްރިމިއާ ލީގުގެ ޕޮއިންޓް ޓޭބަލްގައި އާސެނަލް އޮތީ 10 މެޗުން 18 ޕޮއިންޓާއެކު ހަތަރުވަނައިގަ އެވެ. އަދި ނިއުކާސަލް އޮތީ 10 މެޗުން 15 ޕޮއިންޓާއެކު ނުވަވަނައިގަ އެވެ.