މާލޭގެ މަޖީދީ މަގުގައި ހުރި ޒިއޮން މޯބައިލް 4 ނަމްބަރު ފިހާރައިގެ ބިއްލޫރިގަނޑު ތަޅާލައި ވަށްކަންކޮށްފި އެވެ.
ފުލުހުން ބުނީ މިއަދު ފަތިހު 5:35 ހާއިރު ފިހާރައެއްގެ ބިއްލޫރިގަނޑު ތަޅާލައި ވަށްކަން ކޮށްފައިވާ މައްސަލައެއް ފުލުހުންނަށް ރިޕޯޓްކޮށްފައިވާ ކަމަށެވެ.
ފުލުހުން ބުނި ގޮތުގައި ފަޅާލާފައިވަނީ މަޖީދީމަގުގައި ހުންނަ ޒިއޮން މޯބައިލް 4 ނަމްބަރު ފިހާރަ އެވެ.
މިމައްސަލަ އާއި ގުޅިގެން އަދި މީހަކު ހައްޔަރުކޮށްފައެއް ނުވެ އެވެ. އެކަމަކު މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
ފިހާރައެއް ފަޅާލައި ވައްކަންކޮށް ކޮށްފައި މިވަނީ ވައްކަމުގެ މައްސަލަ ރިޕޯޓް ކުރާ އަދަދު މަދުވެފައިވާ ކަމަށް ފުލުހުން ބުނެފައި ވަނިކޮށެވެ.