ހުޅުމާލޭގައި އަންނަ އަހަރު ޒަކާތު ހައުސްގެ އިމާރަތެއް ހުޅުވުމަކީ އަމާޒެއް ކަމުގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޒަކާތުބޭސްފަރުވާގެ ހިދުމަތް "ވަންގަވް" މެދު ވެރިކޮށް ތައާރަފްކުރުމުގެ ރަސްމިއްޔާތުގައި ވާހަކަ ދައްކަވަމުން ޑރ. ޝަހީމް ވިދާޅުވީ ޒަކާތު ހައުސްއަކީ ރައީސް ޑރ މުހައްމަދު މުއިއްޒުގެ ސިޔާސަތުތަކުގެ ތެރެއިން އުފައްދަވާ ހިންގަވަމުން އަންނަ މުއައްސަސާ އެއް ކަމަށެވެ. މިއަންނަ އަހަރަކީ ރަނގަޅު ކުރިއެރުންތަކެއް އެ އިދާރާ އިން ހޯދާނެ އަހަރެއް ކަމުގައިވެސް ވިދާޅުވި އެވެ.
އެގޮތުން އަންނަ އަހަރު ހުޅުމާލޭގައި ޒަކާތު ހައުސްއަށް ހާއްސަ އިމާރާތެއް އެޅުމަށް ނިންމާފައިވާ ކަމަށާއި އެ އިމާރާތަކީ ރައްޔިތުން ނަށް އެށީގެންވާ ރަނގަޅު ހިދުމަތްތަކެއް ލިބިގެނެ ދާނެ އިމާރާތެއް ކަމަށްވެސް ޝަހީމް ވިދާޅުވި އެވެ.
މިނިސްޓަރު ވިދާޅުވީ މޯލްޑިވްސް ޒަކާތުހައުސް ހުޅުމާލޭގައި ގާއިމުކުރުމަށްޓަކައި މިހާރު ބިންހަމަޖެހިފައިވާ ކަމަށާއި 2025 ވަނަ އަހަރު މި އިމާރާތް އެޅުމުގެ މަސައްކަތް ފެށިގެން ދާނެ ކަމަށެވެ. އަދި ޒަކާތު ހައުސް ވެގެންދާނީ މުހިއްމު ގައުމީ އިދާރާ އަކަށް ކަމުގައި ވިދާޅުވި އެވެ.
"އަމަޒާކީ ޒަކާތު ހައުސްއަކީ ރާއްޖޭގައި ހުރި އެންމެ ހަރުދަނާ ރައްޔިތުންނާއި ގާތުން ހިދުމަތްދޭ އިޖްތިމާއި މުއައްސަސާއަކަށް ހެދުން،" ޝަހީމް ވިދާޅުވި އެވެ.
ރައްޔިތުންނާ ގާތުން އެންމެ ރަނގަޅު ހިދުމަތެއްދޭ މުއައްސަސާއަކަށް ޒަކާތު ހައުސް ހެދުމަކީ އަމާޒެއް ކަމުގައިވެސް ޝަހީމް ވަނީ ވިދާޅުވެފަ އެވެ.