މަޖީދީ މަގުގައި ހުންނަ ޒިއޯން މޯބައިލްސްގެ 4 ނަމްބަރު ފިހާރަ ފަޅާލި ކަމަށް ތުހުމަތުކުރެވޭ ހޯދާ ހައްޔަރުކޮށްފި އެވެ.
މައްސަލައިގެ ތުހުމަތުގައި ހައްޔަރުކޮށްފައިވަނީ އުމުރުން 47 އަހަރުގެ ދިވެހި ފިރިހެނެކެވެ.
އޭނާ ހައްޔަރުކުރި ނަމަވެސް ވަގަށް ނެނގި މުދާ ހޯދާފައިވާ ކަމެއް އަދި އެނގިފައެއް ނުވެ އެވެ.
ކަމަށެވެ. އެކަމަކު އޭނާ ހައްޔަރު ކުރިޔަސް، ފިހާރައިން ނެގި މުދާތައް ހޯދުނު ކަމެއް ސާފެއް ނުވެ އެވެ.
ޒިއޯން މޯބައިލްސްގެ 4 ނަމްބަރު ފިހާރައިގައި މައްސަލަ ތަހުގީގު ކުރުމަށް ފުލުހުން މިހާރުވެސް ދަނީ ހަރަކާތްތެރިވަމުންނެވެ.
ފުލުހުން ބުނީ އެ ފިހާރަ އިން ވައްކަން ކުރީ މިއަދު ފަތިހު 5:35 ހާއިރު ފިހާރައިގެ މައި ދޮރުގެ ބިއްލޫރިގަނޑު ތަޅާލައި އެތަނަށް ވަދެގެން ކަމަށެވެ.
ވައްކަމާ ގުޅޭ މިމައްސަލައިގެ ސީސީޓީވީ ފްޓޭޖު ސޯޝަލްމީޑިއާގައި އާންމުކޮށްފައިވާއިރު ވީޑިއޯ އިން ފެންނަނީ ވަރަށް ހަމަޖެހިލައިގެން ވައްކަން ކުރި މީހާ ބޭނުންވާ ތަކެތި ކޮތަޅުތަކަކަށް އަޅައިގެން ހިފައިގެންދާ މަންޒަރެވެ. މި މަންޒަރު އެ ސަރަހައްދުން ދިޔަ ބައެއް އާންމުންނަށް ފެންނާނެ ކަމަށްވެސް ބެލެވެ އެވެ.
ފިހާރައެއް ފަޅާލައި ވައްކަންކޮށް ކޮށްފައި މިވަނީ ވައްކަމުގެ މައްސަލަ ރިޕޯޓް ކުރާ އަދަދު މަދުވެފައިވާ ކަމަށް ފުލުހުން ބުނެފައި ވަނިކޮށެވެ.