އާއިލާގެ ކުޑަ ކުއްޖަކާ ބެހުނުކަން ސާބިތުވި މީހަކު 20 އަހަރަށް ޖަލަށްލުމަށް ހުކުމްކޮށްފި އެވެ.
މިއީ ކުޑަކުއްޖެއްގެ މަސްލަހަތު ހިމެނޭ މީހަކަށްވާތީ ކުށް ސާބިތުވި މީހާގެ ވަނަވަރު ހާމަކޮށްފައެއް ނުވެ އެވެ.
މިމައްސަލައިގައި ކުށް ސާބިތުވި މީހާ -- ހުސައިން އަލީފް ޖަލަށްލުމަށް ކްރިމިނަލް ކޯޓުން ހުކުމްކޮށްފައިވަނީ ކުޑަކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުން އަމަލުކުުރުގެ ގާނޫނުގެ ދަށުންނެވެ.
މިމައްސަލައިގައި އަލީފްގެ މައްޗަށް ދައުލަތުން ދައުވާ އުފުލީ 2018 ވަނަ އަހަރު އެވެ.
ހުކުމްގައި ބުނެފައިވަނީ އަލީފްގެ މައްޗަށް ދައުވާ ސާބިތުކުރުމަށް ހުށަހެޅި ހެކިގަރީނާއަށް ބަލާއިރު އެއްވެސް ޝައްކެއް ނެތް މިންވަރަށް ދައުވާ ސާބިތުވާ ކަމަށެވެ.
އާއިލާގެ ކުޑަ ކުއްޖަކާ ބެހުނުކަން ސާބިތުވި މީހަކު 20 20 އަހަރާއި 25 އަހަރާ ދެމެދުގެ މުއްދަތަކަށް ޖަލަށް ލެވޭނެ ކަމަށް ގާނޫނުގައިވެ އެވެ.