ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޗެއާމަންގެ މަގާމަށް އަހްމަދު ނާސިފް ދީދީ އައްޔަންކޮށްފި އެވެ.
ރައީސް ޑރ. މުހައްމަދު މުއިއްޒުގެ ވެރިކަމުގައި ނާސިފް އެންމެ ފުރަތަމަ ހުންނެވީ ރީޖަނަލް އެއާޕޯޓްސް ކޮމްޕެނީ ލިމިޓެޑްގެ ޗެއާމަންގެ ގޮތުގައެވެ.
އެޗްޑީސީ އިން މިއަދު ވަނީ އެ ކުންފުނީގެ ޗެއާމަންގެ މަގާމަށް ނާސިފް އައްޔަންކޮށްފައިވާ ކަމަށް ބުނެފަ އެވެ.
ރައީސް އަބްދުﷲ ޔާމީންގެ ވެރިކަމުގައި ނާސިފް ވަނީ އެޗްޑީސީގެ މެނޭޖިން ޑިރެކްޓަރުގެ މަގާމުވެސް ފުރުއްވާފަ އެވެ.
މީގެއިތުރުން ތިލަފުށި ކޯޕަރޭޝަން ލިމިޓެޑް (ޓީސީއެލް) އާއި ގްރޭޓާ މާލެ އިންޑަސްޓްރިއަލް ޒޯން ލިމިޓެޑް ކުންފުނީގެ މެނޭޖިން ޑިރެކްޓަރުކަން ނާސިފް ވަނީ ރައީސް ޔާމީންގެ ވެރިކަމުގައި ކުރައްވާފަ އެވެ.