ރާއްޖޭގެ ސިފައިންގެ ހިދުމަތަށް އިންޑިއާ ސަރުކާރުން ހަދިޔާ ކޮށްފައިވާ ކޯސްޓްގާޑް "ހުރަވީ" މަރާމާތު ކުރުމަށް އިންޑިއާއަށް ފުރައިފި އެވެ.
ރާއްޖޭގައި ހުންނަ އިންޑިއާ އެންބަސީ އިން އެކްސްގައި އިއްޔެ ކުރި ޕޯސްޓެއްގައި ބުނީ ހުރަވީ ބަލައި އިންޑިއާ ކޯސްޓްގާޑު ތަލްވާރު ނަމަކަށް ކިޔާ އުޅަނދު ރާއްޖެ އައި ކަމަށާއި ހުރަވީ މަރާމާތު ކުރަނީ މުމްބާއީގެ ޑޮކްޔާޑެއްގައި ކަމަށެވެ.
އިންޑިއާ އިން ހަދިޔާކޮށްފައިވާ އުޅަނދުގެ ރީފިޓްގެ މަސައްކަތް ހިލޭ ކޮށްދެނީ އިންޑިއާއިންނެވެ. އެގޮތުން މިހާތަނަށް އެކި ފަހަރު މަތިން ހުރަވީ މަރާމާތު ކޮށްފައިވެ އެވެ.
އެމްއެންޑީއެފްގެ އުޅަނދުތައް ރައްޖޭގައި މަރާމަތު ނުކުރެވެނީ ރާއްޖޭގައި އެފަދަ ހިދުމަތެއް ދޭނެ އަސްކަރީ ޑޮކްޔާޑެއް ނެތުމުންނެވެ.