ރާއްޖެއަށް މި އަހަރުގެ މިހާތަނަށް 1.7 މިލިއަން ފަތުރުވެރިން ޒިޔާރަތްކޮށްފި އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މި އަދަދަކީ މިދިޔަ އަހަރުގެ މި މުއްދަތުގައި ޒިޔާރަތްކުރި ފަތުރުވެރިންނަށްވުރެ 9.5 ޕަސެންޓް -- 150،155 ފަތުރުވެރިން އިތުރު އަދަދެކެވެ.
ފާއިތުވި 2023 ވަނަ އަހަރު 1.7 މިލިއަން ވަނަ ފަތުރުވެރިޔާ ރާއްޖެ ޒިޔާރަތްކުރީ އެ އަހަރުގެ ޑިސެމްބަރު މަހު އެވެ.
ފަތުރުވެރިންގެ އަދަދު އިތުރުވެފައިވާއިރު ރާއްޖެއަށް މިހާރު އެންމެ ގިނައިން ފަތުރުވެރިން އަންނަ ގައުމު -- ޗައިނާއިން އަހަރުގެ މިހާތަނަށް ދެ ލައްކައަށްވުރެ ގިނަ ފަތުރުވެރިން އައިސްފައިވެ އެވެ
ފަތުރުވެރިކަމުގެ ގަދަ 10 ގައުމު
- ޗައިނާ - 243،600 ފަތުރުވެރިން
- ރަޝިއާ - 193،100 ފަތުރުވެރިން
- އިނގިރޭސިވިލާތް - 149،400 ފަތުރުވެރިން
- ޖަރުމަނު - 132،600 ފަތުރުވެރިން
- އިޓަލީ - 117،900 ފަތުރުވެރިން
- އިންޑިއާ - 105،470 ފަތުރުވެރިން
- އެމެރިކާ - 57،600 ފަތުރުވެރިން
- ފްރާންސް - 45،900 ފަތުރުވެރިން
- ސްޕެއިން - 40،700 ފަތުރުވެރިން
- ސްވިޓްޒަލޭންޑް - 34،100 ފަތުރުވެރިން
ރާއްޖޭގައި މި ވަގުތު ފަތުރުވެރިކަމަށް ޖުމްލަ 1،233 ތަނެއް ދަނީ ހިންގަމުންނެވެ. މީގެ ތެރޭގައި 170 ރިސޯޓާއި 895 ގެސްޓްހައުސް އާއި 154 ސަފާރީ އަދި 14 ހޮޓާ ހިމެނެ އެވެ. މިތަންތަނުގައި ފަތުރުވެރިންނަށް ހުރި އެނދުގެ އަދަދަކީ 62،538 އެވެ.