އެންމެ ފަހުން ކުޅުނު މެޗުގައި ޕެރަގުއޭ އަތުން ބަލިވުމުގެ ހިތްދަތިކަން ފިލުވާލައި، ދެކުނު އެމެރިކާގެ ވޯލްޑް ކަޕް ކޮލިފައިންގައި އާޖެންޓީނާ އިން ވާދަވެރި ކުޅުމަކަށް ފަހު ޕެރޫ ބަލިކޮށްފި އެވެ.
މެޗަށް ދެ ޓީމު ނިކުމެގެން އުޅުނު އިރު ފުރަތަމަ ހާފުގައި އާޖެންޓީނާއަށް މާ ވަރުގަދަ ކުޅުމެއް ނުކުޅެވުނެވެ. އެހެންނަމަވެސް ދެވަނަ ހާފުގައި ކެޕްޓަން ލިއޮނަލް މެސީގެ އެސިސްޓަކުން ލަޓައުރޯ މާޓީނޭޒް ޖެހި ތަފާތު މޮޅު ލަނޑަކުން 1-0 އިން މޮޅުވި އެވެ.
ވަކިން ހާއްސަކޮށް އެޓީމަށް މޮޅެއް ބޭނުންވާ ވަގުތެއްގައި ލިބުނު މި މޮޅާ އެކު، ދެކުނު އެމެރިކާ ބައްރުގެ އެއްވަނައިގައި އާޖެންޓީނާ އިން ވަނީ ފަސް ޕޮއިންޓުގެ ލީޑެއް ދަމަހައްޓާފަ އެވެ.
ދެން ކުޅެވުނު މެޗުގައި ބްރެޒިލް އާއި އުރުގުއޭ ވަނީ 1-1 އިން އެއްވަރުވެފަ އެވެ. މި މެޗުގައި ވަލްވޭޑޭ އުރުގުއޭ އަށް ލީޑު ހޯދައިދިން ނަމަވެސް ދެވަނަ ހާފުގައި ޖާސަން ވަނީ ހިތްގައިމު މޮޅު ލަނޑަކުން ބްރެޒިލް އަށް އެއްވަރުކޮށްދީފަ އެވެ.
މި ރޭގެ އަނެއް މެޗުގައި އެކުއެޑޯ އިން ވަނީ ކޮލަމްބިއާ އަތުން 1-0 ގެ ލީޑަކުން މޮޅުވެފަ އެވެ.
އާޖެންޓީނާ އަށް 12 މެޗުން 25 ޕޮއިންޓް ލިބިފައިވާއިރު ދެވަަނައިގައި އޮތް އުރުގުއޭއަށް 12 މެޗުން 20 ޕޮއިންޓް ލިފައިވެ އެވެ. ތިންވަނައިގައި އޮތް އެކުއެޑޯ އާއި ހަތަރެއްގައި އޮތް ކޮލަމްބިއާ އަށް ވަނީ 12 މެޗުން 19 ޕޮއިންޓް ލިބިފަ އެެވެ. ބްރެޒިލް، ފަސް ވަނައިގައި އޮތީ 12 މެޗުން 18 ޕޮއިންޓާ އެކު އެވެ.