ޣައްޒާ ހަނގުރާމަ ވަގުތުން ހުއްޓާލަން ގޮވާލައި އދގެ ސަލާމަތީ މަޖިލީހުން ފާސްކުރި ގަރާރު އެމެރިކާއިން ވީޓޯކޮށްފި އެވެ. ސަލާމަތީ މަޖިލީހުން ފާސްކުރި މި ގަރާރުގައި ހަމާސްގެ އަތްދަށުގައި ތިބި ޔަހޫދީ އަސީރުން ދޫކޮށްލަން ޝަރުތުކޮށްފައެއް ނުވެ އެވެ.
އދގެ މި ގަރާރަށް ސަލާމަތީ މަޖިލީހުގެ ހުރިހާ މެމްބަރުން -- އެމެރިކާ ފިޔވަައި ވަނީ ވޯޓުދީފަ އެވެ. ސަލާމަތީ މަޖިލީހުގެ ހިމެނެނީ ދާއިމީ 15 މެމްބަަރުންނެވެ.
އިޒުރޭލުގެ ދިފާއުގައި ވާހަކަދައްކަވަމުން، އެމެރިކާގެ ސަފީރު ވަނީ ސުލްހައަށް ހުރަސްއަޅާ ބަޔަކީ ހަމާސް ކަމަށް -- އިޒުރޭލުން ނޫން ކަމަށް ވިދާޅުވެފަ އެވެ.
އަދި ހަމާސްގެ އަތްދަށުގައި ޔަހޫދީންގެ ބަޔަކު އަސީރުކޮށްފައި ތިބި ކަމަށް ސަފީރު ވިދާލުވި އެވެ. އަސީރުން ތިބީ އިޒުރޭލުގައި ނޫން ކަމަށްވެސް އޭނާ ވިދާޅުވި އެވެ.
އިޒުރޭލުގެ ދިފާއުގައި އެމެރިކާ ކުރަނީ ޖިހާދު ކަމަށް، ސަލާމަތީ މަޖިލީހުގައި ހިމެނޭ އިޒުރޭލުގެ ސަފީޜު ޑެނީ ޑެނަން ވިޑޅުވި އެވެ. އަދި އެމެރިކާއަށް ހިފެހެއްޓުމެއް ނެތް ޝުކުރު އަދާކުރެއްވި އެވެ.
ހަމާސްއިން އަސީރުން ދޫނުކުރިއޭ ކިޔާފައި، ހަނގުރާމަ ހުއްޓާލާފައި ޣައްޒާއިން ނުފައިބާނެ ކަމަށް ސަފީރު ވިދާޅުވި އެވެ. އިޒުރޭލުގެ ދިފާއީ ބާރުތަކުން ޣައްޒާއިން ފައިބާނީ އަސީރުން މިނިވަންކޮށްގެން ކަމަށްވެސް އޭނާ ވިދާޅުވި އެވެ.
އިޒުރޭލަކީ މިނިވަން ދައުލަތެއް ކަމަށް ވިދާޅުވި ޑެނީ ދެނަން ވިދާޅުވީ، ޣައްޒާއާ އެއްކޮޅަށް ވޯޓުދިނީ ޓެރަރިސްޓުންނަށް ވާގިވެރިވާ 14 މެމްބަރު ގައުމު ކަމަށް ސަފީރު ވިދާޅުވި އެވެ.
އިޒުރޭލުން ޓެރަރިސްޓުންނާ ހަނގުރާމަކުރަނީ ގައުމުގެ ދިފާއުގައި ކަމަށްވެސް ސަފީރު ވިދާޅުވި އެވެ. އަދި އިޒުރޭލުން އިޖާބަދޭނީ އަސީރުން މިނިވަންކުރަން ގޮވާލާ ގަރާރަކަށް ކަމަށް ވެސް ސަފީރު ވިދާޅުވި އެވެ.
ރިޕޯޓްތައް ބުނާ ގޮތުން އެމެރިކާގެ ބޭނުމަކީ ހަނގުރާމަ ހުއްޓުވުމެއް ނޫނެވެ. އެކަމަކު އަސީރު މިނިވަންކުރުމެވެ. ނަމަވެސް، ހަނގުރާމަ ހުއްޓުވުމެއް ނެތި އަސީރުން މިނިވަންކުރަން ގޮވާލަ ގަރާރަކަށް ހަމާސްއިން އަޅައިނުލާނެ ކަމަށް ވެސް އެ ޖަމާއަތުން ބުންޏެވެ