ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ އެތެރޭގެ އިންތިހާބުގެ ވޯޓުލުން ފެށިގެން ކުރިއަށް އެބަދެ އެވެ.
މި އިންތިހާބުގެ ވޯޓުލުން މާލޭގެ އިތުރުން 88 ރަށެއްގައި ކުރިއަށްދެ އެވެ. މިއަދު ހެނދުނު 10:00 ގައި ފެށި ވޯޓުލުން މިއަދު މެންދުރުފަހު 2:00 އާ ހަމައަށް ކުރިއަށްދާނެ ކަމަށް ޕީއެންސީން ވަނީ ބުނެފަ އެވެ.
އިންތިހާބުގައި މާލެ އާއި އަތޮޅުތަކުގައި ޖުމްލަ 144 ވޯޓު ފޮށި ބަހައްޓާފައިވެ އެވެ.
ޕީއެންސީ އިން ބުނި ގޮތުގައި މި އިންތިހާބުގައި 33،500 މީހުންނަށް ވޯޓުލުމުގެ ހައްގު ލިބިފައިވެ އެވެ. އިންތިހާބުގައި 1،984 މަގާމަކަށް މީހުން އައްޔަންކުރަން ވަނީ ނިންމާފަ އެވެ.
މި އިންތިހާބު ބާއްވާ ގޮތަށް ކުރިން ހަމަޖެހިފައި އޮތީ އޮކްޓޫބަރު 19 ވަނަ ދުވަހު އެވެ. އޭގެފަހުން މިމަހު ނުވަވަނަ ދުވަހަށް އިންތިހާބު ފަސްކުރުމަށްފަހު މިއަދަށް އިންތިހާބު ފަސްކުރި އެވެ.